योहान्‍ना 9:24 - ॱलोवा

²⁴ होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”

योहान्‍ना 9:24 Iomraidhean Croise

मारकु 15:27

खुङक्‍याई खोङबामुला झ्‍याक्‍पा ॱङी, च्‍यीकला खोङबागी ये स्‍योक धाङ च्‍यीकला ॱयो़नला क्‍याङबालाक।

लुका 15:2

धेनी फारुसीपाक्‍या धाङ क्षो़ठीमगी ॱलोपो़नक्‍या फाक्‍तुङ दुरी ॱनेवालाक, “दे मी दे धीक्‍चेनक्‍याला सी़री खुङक्‍यामुला शामा शी।”

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 18:30

खुङक्‍याई खोला ॱनेवालाक, “मी दे लेङेन झ्‍यीगीन मेन्‍ना, हीकी खोला खेराङ दोङदु ची ग्‍याप्‍येमेक।”

योहान्‍ना 19:6

धा क्षो़पो़न क्षेक्‍या धाङ ॱमाक्‍मीक्‍याई खोङबाला ज्‍याली घाङला, “खोला ग्‍याङस्‍यीङ खाला क्‍योङ, खोला ग्‍याङस्‍यीङ खाला क्‍योङ!” ॱनेरी फेरा ग्‍याप्‍पालाक। पीलातुगी खुङक्‍याला ॱनेवालाक, “ङी खोला क्‍यो़न घीया ॱमाङे, होझ्‍येरी खेक्‍याराङ खोला ठीक्‍ती सोरी ग्‍याङस्‍यीङ खाला क्‍योङ।”

योहान्‍ना 8:46

खेक्‍याने सी़ ङाला धीक्‍पा हो़गीनगी पाङपो झ्‍यी थुक्‍कीले? ङी खेक्‍याला धेन्‍पागो स्‍येनाः, खेक्‍या ङाला घीझ्‍येरी धेपा मीझ्‍यीदाले?

योहान्‍ना 8:49

येशुगी सुवालाक, “ङी नाङदु डे जु मेतालाक। ङी ङारी यापला कुरती झ्‍यीदीहो़क हीना खेक्‍या ङाला ॱमेबेप ताङालाक।

योहान्‍ना 9:16

फारुसीपा रीङगाक्‍याई ॱनेवालाक, “मी दी ङासुगीन ङीमागो ॱमारुङवा, दे मी दे को़न्‍क्षोकने मालाक।” हीना श्‍येम्‍माक्‍याई ॱनेवालाक, “मी धीक्‍चेन च्‍यीकगी देरे ताकक्‍या घाङगी झ्‍येरी झ्‍यी थुक्‍वाले?” धेनी होदुरु मीक्‍या खाक ॱङीला भेवालाक।

योहान्‍ना 9:25

धेनी खी़ ॱनेवालाक, “खो धीक्‍चेन च्‍यीक हीन-मेन ङाला स्‍येयेमेक। ङी स्‍येये हो़गीनगो ङा एम्‍मा श्‍यारा हो़क धेनी धान्‍दा ङी थोङी।”

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।