योहान्‍ना 9:22 - ॱलोवा

²² खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

योहान्‍ना 9:22 Iomraidhean Croise

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 19:38

होदे स्‍याम्‍ने, याहुदापाक्‍याने जीक्‍ती साङवाला येशुगी ङेने हीन्‍गीन, आरीमाथीया युगी योसेफगी़ पीलातुला, येशुगी कुफुङ खेरती डोयेला श्‍यी़वालाक। पीलातुगी खोला खेरती डोये का ॱनावालाक। होझ्‍येरी खी़ येशुगी कुफुङ ग्‍याङस्‍यीङ माला पाप्‍ती, खेरती सोवालाक।

योहान्‍ना 20:19

धी़न्‍डागी ङीमा धाङपोगी घोमोगो ङेनेक्‍या याहुदापा गोठीक्‍याला जीक्‍ती, घो ग्‍याप्‍ती धे हो़तालाक। धेनी येशु खुङक्‍या घुङदु फेप्‍ती खुङक्‍याला सुवालाक, “खेक्‍याला श्‍यीदे हुङास्‍योक।”

योहान्‍ना 7:13

हीना याहुदापा पो़न्‍पोक्‍याला जीक्‍ती, मी सी़या खोङबागी कोरला ॱङो़न्‍सुमदु स्‍ये ॱमाथुक्‍पालाक।

योहान्‍ना 9:18

थोङगीन झ्‍युजा मीगी़ फामाक्‍याला भो़री, ढीवा माझ्‍ये थुक्‍पे याहुदापाक्‍याई खो एम्‍मा श्‍यारा हीन्‍गीन धाङ स्‍याम्‍ला थोङ थुक्‍कीन झ्‍युजागोला यीच्‍चे माझ्‍येवालाक।

योहान्‍ना 9:21

हीना धान्‍दा खो घाङगी झ्‍येरी थोङगीन धाङ सी़ खी़ ॱमीक पेवाले ॱनेरी, हेला स्‍येयेमेक। खो ॱनाटो ॱङेसाहो़क। खोलाराङ ढी। खोरी क्षीला खी़राङ स्‍येगीलाक।”

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

योहान्‍ना 9:35

याहुदापा पो़न्‍पोक्‍याई होदे मी श्‍यारागोला तो़न्‍दी झादुक ॱनेरी, येशुगी सेन्‍दा जेपालाक धेनी खोङबागी खोला चारी धेनी ॱङेदी सुवालाक, “ख्‍यो़ मी-भुला धेपा झ्‍यीदी हो़ते?”

जेपा 4:18

होझ्‍येरी खुङक्‍याई खुङ ॱङीउला केक तारी, येशुगी मीङने सी़या मुला लाब ॱमाताङ याङना क्षो़ ॱमास्‍ये ॱनेरी का तेरपालाक।

जेपा 5:13

धेपा-मीझ्‍यीगीनक्‍या, खुङक्‍यामुला थुक्‍येला जीक्‍टा झ्‍यीदालाक घीहीन्‍ना खुङक्‍याई धेपा-झ्‍यीगीनक्‍याला घुस्‍याप झ्‍यीदालाक।

जेपा 5:40

धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”