योहान्‍ना 9:17 - ॱलोवा

¹⁷ होझ्‍येरी खुङक्‍याई धाब्‍ले होदे श्‍यारागोला ढीवालाक, “होदे मीगी ख्‍यी़ ॱमीक सो़री, धा ख्‍यो़ खी़ कोरला घी सामी हो़तो?” खी़ ॱनेवालाक, “खोङ ॱङो़नस्‍येखेन च्‍यीक लाक।”

योहान्‍ना 9:17 Iomraidhean Croise

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

लुका 24:19

खोङबागी, “घीन्‍गी कोरला?” सुरी ढीवा जेपालाक। धेनी खुङ ॱङीउगी ॱनेवालाक, “नाजारेतगी येशुगी कोरला। खोङबा को़न्‍क्षोक धाङ मी घीरीगी दोङदु छीक धाङ क्षाक्‍लेला नी़थु क्षेन्‍बो हो़गीन, ॱङो़नस्‍येखेन च्‍यीक लाक।

योहान्‍ना 4:19

होदे केमीगी खोङबाला श्‍यी़वालाक, “ॱलोपो़न ला, खेराङ ॱङो़नस्‍येखेन च्‍यीक हीन्‍गीनगो ङी स्‍येजुङ।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 9:15

होझ्‍येरी फारुसीपाक्‍याई खोला याङदा घाङगी झ्‍येरी खी़ ॱमीक थोवाले ॱनेरी ढीवालाक। धेनी खी़ ॱनेवालाक, “खोङगी ङी ॱमीकला दाम्‍बाक की़ जेजुङ धेनी ङी ठी़री ॱमीक थोजुङ।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।