योहान्‍ना 9:16 - ॱलोवा

¹⁶ फारुसीपा रीङगाक्‍याई ॱनेवालाक, “मी दी ङासुगीन ङीमागो ॱमारुङवा, दे मी दे को़न्‍क्षोकने मालाक।” हीना श्‍येम्‍माक्‍याई ॱनेवालाक, “मी धीक्‍चेन च्‍यीकगी देरे ताकक्‍या घाङगी झ्‍येरी झ्‍यी थुक्‍वाले?” धेनी होदुरु मीक्‍या खाक ॱङीला भेवालाक।

योहान्‍ना 9:16 Iomraidhean Croise

मेथा 12:10

धेनी होदुरु लाक्‍पा काम्‍गा मी च्‍यीक हो़तालाक। धेनी खुङक्‍याई खोङबाला क्‍यो़न चुक्‍येला देरे ढीवालाक, “ङासुगीन ङीमाला चो़गा झ्‍यी क्षोक्‍वाले?”

मेथा 12:2

हीना फारुसीपाक्‍याई दे थोरी, खोङबाला श्‍यी़वालाक, “तो़दाङ, ख्‍यी़ ङेनेक्‍याई, ङासुगीन ङीमाला झ्‍यी ॱमेछोक्‍कीन लेगा झ्‍यीदी।”

लुका 13:14

ङासुगीन ङीमाला येशुगी नाजा चो़गा जेदी, होदे छोक्‍खाङगी पो़न्‍पोगो ॱमीच्‍यीकी धुक्‍चा धी़वालाक। धेनी होदुरु हो़गीन मीक्‍याला ॱनेवालाक, “लेगा झ्‍यीयेगी क्षीदु श्‍याक्‍मो ढुक हो़तालाक। होझ्‍येरी ङासुगीन ङीमाला मेन्‍दा, होदे ङीमाक्‍याला होरी चो़गा झ्‍युङ।”

योहान्‍ना 10:19

येशुगी सुङगीन का दे, ङेन्‍दी याहुदापा पो़न्‍पोक्‍या याङ ठुक्‍पालाक।

योहान्‍ना 14:11

ङा याप नाङ हो़गीन धाङ याप ङी नाङ हो़गीनला धेपा झ्‍यी। याङमेना ङी लेगाक्‍याला तेरी धेपा झ्‍यी।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 5:10

होझ्‍येरी याहुदापा पो़न्‍पोक्‍याई होदे मीला ॱनेवालाक, “धीरीङ ङासुगीन ङीमा झ्‍येरी, ख्‍यो़ खेरी ङ्याठी खुरकीनगो ठीमला ॱमीथी़न्‍दालाक।”

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 6:52

धा याहुदापाक्‍याई खोराङक्‍या नाङदु चो़लीङ झ्‍येरी ॱनेवालाक, “मी दे घाङगी झ्‍येरी राङगी स्‍या होराङला शायेला तेर थुक्‍कीले?”

योहान्‍ना 7:12

मीछोकक्‍याई खोक्‍दु रीङगागी “खोङ मी शाङपो च्‍यीक लाक।” धेनी रीङगागी “खोङ देरे मेन्‍दा मी माङपोला गोकोर ताङगीन च्‍यीक लाक।” ॱनेरी खोङबागी कोरला लाब ढामेढा माङा झ्‍युवालाक।

योहान्‍ना 7:23

मोशेगी क्षो़ठीम ॱरुङयेगी क्षीला ङासुगीन ङीमाला, मी च्‍यीकगी पाउ चेगीन ॱरोगो ॱरुङ थुप्‍ना, ङीयाः ङासुगीन ङीमाला मी च्‍यीकगी ली़ घाङजाङ सो़जुङ ॱनेरी, खेक्‍या घीझ्‍येरी ङीमुला ठो़लाले?

योहान्‍ना 7:43

धा मीछोकगी घुङदु येशुगी कोरला ताम ॱमाथी़न्‍पा खाक भेवालाक।

योहान्‍ना 9:24

होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”

जेपा 14:4

हीना ग्‍याजागी मीक्‍या छोक ॱङीला खा ढावालाक। मी रीङगा याहुदापाक्‍या स्‍योकला धेनी मी रीङगागो कुछापक्‍या स्‍योकला सोवालाक।