योहान्‍ना 8:54 - ॱलोवा

⁵⁴ येशुगी सुवालाक, “ङी ङाराङला कुरती झ्‍यीना, ङी कुरती दे दो़न मेगीन झ्‍युङगीलाक। खेक्‍याई ‘खोङ नी हीकी को़न्‍क्षोक लाक’ ॱनेरी ॱनागीन, खोङबा ङी यापगीराङ ङाला कुरती जेगीलाक।

योहान्‍ना 8:54 Iomraidhean Croise

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 5:41

“ङी मीक्‍याने कुरती चाला मेन,

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

योहान्‍ना 8:41

हीना खेक्‍या खेरी यापगी झ्‍यीगीन च्‍योक्‍रे झ्‍यीदालाक।” खुङक्‍याई खोङबाला ॱनेवालाक, “हेक्‍या ङ्यालुक मेन। को़न्‍क्षोकराङ हीकी याप च्‍यीगारागो हीन।”

योहान्‍ना 8:50

ङा ङाराङगी कुरती ॱमेचाहो़क हीना ङी क्षीला कुरती चागीन च्‍यीक हो़तालाक धेनी खोङबा नी ठीम्‍पो़न लाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

२ पेटो 1:17

घीझ्‍येरी ॱनाना याप को़न्‍क्षोकने खोङबाला कुरती धाङ शीजे थोप्‍यी घाङला, शीजे धाङ धेन्‍पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्‍यीकी ङ्यामो घा हो़क।” सुरी सुङकेक दे थो़न्‍बालाक।