योहान्‍ना 8:51 - ॱलोवा

⁵¹ ङा खेक्‍याला धेन्‍पा धेनक्‍याङ ॱनाहीन, ङी का ॱरुङगीनगी नामाः छीवा मेङ्याङगीलाक।”

योहान्‍ना 8:51 Iomraidhean Croise

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:50

हीना शेरीया ॱमीस्‍यीगीन ग्‍याङगो नी, नाम्‍खे श्‍यीङखामने भाप्‍पा ग्‍याङगागो लाक।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

योहान्‍ना 8:55

खेक्‍याई खोङबाला ङो ॱमेस्‍येलालाक हीना ङी खोङबाला ङो स्‍येलीहो़क। ङी खोङबाला ङो मेस्‍येहो़क ॱनाना ङा खेक्‍या च्‍योक्‍रे शोक्‍पो झ्‍युङगीलाक। हीना ङी खोङबाला ङोस्‍येलीहो़क धेनी खोङबागी का ॱरुङीहो़क।

ईब्‍रीपा 11:5

धेपागी गोने हेनोक छीवा माङ्यावा, नाम्‍खे श्‍यीङखामला ठीक्‍पालाक। धेनी खो घारुवा ॱमाङेपालाक घीझ्‍येरी ॱनाना को़न्‍क्षोकगी खोला ठीया जेपालाक। खो याला ठीक्‍ये एन्‍ला, को़न्‍क्षोकला थुक घेरु च्‍युक्‍कीन मी च्‍यीक हो़तालाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।