योहान्‍ना 8:40 - ॱलोवा

⁴⁰ धा ङी को़न्‍क्षोकगी डुङने घोरकीन धेन्‍पागो, खेक्‍याला ॱनेहो़क हीना खेक्‍या ङाला सेये थापस्‍यी चालालाक। आब्‍राहामगी देरे माझ्‍येवालाक।

योहान्‍ना 8:40 Iomraidhean Croise

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

योहान्‍ना 8:56

खीकी याप आब्‍राहामगी ङी ङीमा थोङङी दो़पालाक धेनी खोङगी थोरी ङ्यामो घेवालाक।”

रोमापा 4:12

धेनी याङ आब्‍राहाम पाउ चेचाक्‍यागीयाः याप लाक हीना खुङक्‍याई धेपागो, होरी याप आब्‍राहामगी पाउ ॱमाचे एन्‍ला, हो़गीन धेपा च्‍योक्‍रे हुङघोवालाक।

गालातीयापा 4:16

ङी खेक्‍याला धेन्‍पा स्‍येदी, धा धान्‍दा ङा खीकी डाला ग्‍युरजे?

गालातीयापा 4:29

हीना होदे घाङला जीक्‍तेनगी लुक्‍सो़ने केक्‍यागी़, धाम्‍पे थुक्‍ङी गोने केक्‍यागोला ॱनो़ क्‍यागीन च्‍योक्‍रे धान्‍दा देरेराङ दुक।

ॱङो़न्‍पा 12:17

धेनी होदे डुकगो होदे भोमोमुला खोङडो लावालाक धेनी मी़ टुवा श्‍येम्‍माक्‍यामुला टाप्‍तु सोवालाक। याङना को़न्‍क्षोकगी का ॱरुङगीनक्‍या धाङ येशुगी पाङपो झ्‍यीगीनक्‍यामुला टाप्‍तु सोवालाक।

ॱङो़न्‍पा 12:4

धेनी होदेगी ॱङामागी़ ॱनामने कारमा दुबु सुमने च्‍यीक रुक्‍ती, साश्‍यीदु ॱयुक्‍पालाक। धेनी टु केलुङ मेताला होदे टुगोला मीक्‍येगी साम्‍लो तारी, होदे डुकगो होदे टु केये झ्‍यीगीन भोमोगी़ दोङदु लारी धे हो़तालाक।