योहान्‍ना 8:38 - ॱलोवा

³⁸ ङी ङाराङगी यापगी डुङदु घी थोङ हो़गीनगो स्‍येदीहो़क धेनी खेक्‍या खेरी यापने घी घोरकीनगो झ्‍यीदालाक।”

योहान्‍ना 8:38 Iomraidhean Croise

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:24

धेनी ङाला झाम्‍पा मीझ्‍यीगीनगी ङी का ॱरुङगीमालाक। खेक्‍याई ङेन्‍गीन का दे ङाने मेन्‍दा ङाला ॱङाक्‍कीन यापने लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:32

खोङबागी घी शीक्‍कीन धाङ घोरकीनगी पाङपो जेदालाक हीना सी़या खोङबागी धेन्‍पाङला खेमेलेन्‍दालाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

योहान्‍ना 8:41

हीना खेक्‍या खेरी यापगी झ्‍यीगीन च्‍योक्‍रे झ्‍यीदालाक।” खुङक्‍याई खोङबाला ॱनेवालाक, “हेक्‍या ङ्यालुक मेन। को़न्‍क्षोकराङ हीकी याप च्‍यीगारागो हीन।”

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।