योहान्‍ना 8:34 - ॱलोवा

³⁴ येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, धीक्‍पा झ्‍यीगीन घीरी धीक्‍पे ढेन्‍योक हीन।

योहान्‍ना 8:34 Iomraidhean Croise

मेथा 5:18

ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

जेपा 8:23

घीझ्‍येरी ॱनाना ङी ख्‍यो़ ॱमीच्‍यीकी ठादोकगी, खाङखा धाङ धीक्‍पे ढेन्‍योकला स्‍योरस्‍योवा थोङी।”

रोमापा 6:12

होझ्‍येरी दो़क्षाकगी वाङ होकदु मेडोयेगी क्षीला, धीक्‍पाला खेक्‍याई स्‍यीरी डोये हीन्‍गीन ली़ला वाङ झ्‍यीदु ॱमाच्‍युक।

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 7:14

धा क्षो़ठीम नी, थुक्‍ङीने झ्‍युङगीनगो होराङ स्‍येलालाक। हीना ङा नी ली़ला झ्‍येरी, धीक्‍पागी ढेन्‍योकला चोचा च्‍योक्‍रे हीन।

रोमापा 7:25

होरी चोवो येशु मास्‍यीकागी थोक्‍ने थारपा जेगीन, को़न्‍क्षोकला काटीन्‍क्षे श्‍युवाहीन। धा ङा ङाराङगी सेमने, को़न्‍क्षोकगी क्षो़ठीमला श्‍याप्‍ची श्‍यी़लालाक हीना ङी धीक्‍पे राङश्‍यीगी, धीक्‍पे वाङला श्‍याप्‍ची श्‍यी़लालाक।

रोमापा 8:21

को़पा राङगो रुरी डोये हीन्‍गीन वाङने थारती, को़न्‍क्षोकगी से धाङ सेमोगी शीजेगी राङवाङ थोप्‍येगो लाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।