योहान्‍ना 8:31 - ॱलोवा

³¹ धेनी येशुगी राङला धेपा हो़गीन याहुदापाक्‍याला सुङा जेपालाक, “ङी काला ॱनेती धेना, खेक्‍या ॱङोन्‍नेराङ ङी ङेने लाक।

योहान्‍ना 8:31 Iomraidhean Croise

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

योहान्‍ना 2:2

येशु धाङ खोङबागी ङेनेक्‍यालाः होदे ॱङेन्‍डीला, धेन्‍टे श्‍यी़ हो़तालाक।

योहान्‍ना 6:55

घीझ्‍येरी ॱनाना शामा ॱङोन्‍नेगो, ङी ली़गी स्‍या धाङ थुङये ॱङोन्‍नेगो ङी ठाक लाक।

योहान्‍ना 8:36

होझ्‍येरी सेगी खेक्‍याला राङवाङ जेना, खेक्‍याला ॱङोन्‍ने राङवाङ थोप्‍कीलाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

रोमापा 11:22

होझ्‍येरी को़न्‍क्षोकगी ॱङीङजे धाङ चुवाला दो़नाङ झ्‍यी। काला मेङेन्‍गीनक्‍याला खोङ चुवा जेदालाक हीना खोङगी ॱङीङजेला मी़थुने ॱलो काना, खोङगी खेक्‍याला ॱङीङजे जेदालाक। देरे मेन्‍ना खेक्‍यालाः चेदा जेगीलाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

२ तीमोथेउ 3:14

हीना होदे ॱलापच्‍याक्‍या सुने ज्‍याजागो ख्‍यी़राङ स्‍येलालाक। घीझ्‍येरी ॱनाना ख्‍यो़ राङगी ॱलाप्‍ला ॱलापच्‍याक्‍या धाङ तेन्‍पो झ्‍येरी झ्‍येजा धेपाला ॱनेती धो़क।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 8:9

धेनी ङी खुङक्‍याई धाङबी फामाक्‍याला, खुङक्‍याई लाक्‍पाने शीम्‍दी एजेप युने ठीयाराङ, खुङक्‍यामुला श्‍याकश्‍या धाम्‍चा च्‍योक्‍रे मालाक। खुङक्‍याई ङी धाम्‍चा ॱमारुङवा, ङीयाः खुङक्‍याला या माझ्‍ये, सुरी चोवोगी सुङालाक।

याकोब 1:25

हीना राङवाङ ॱनाङगीन याङदाक्‍पे ठीमला श्‍यीप्‍ता, झ्‍यीगीन धाङ तेन्‍पो ॱनेगीन धेनी काला ङेन्‍दी, ज्‍येदी डुगीन मेन्‍दा हीना लाक्‍लेन तारी झ्‍यीगीन मीगोला, खी़ झ्‍यीगीन लेगाला झ्‍यीलाप थोप्‍कीलाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

१ योहान्‍ना 2:24

खीकी गोमाने घोर ङ्युङगीनगो, खीकी नाङला ॱनेलास्‍योक। देरे झ्‍युङना, खेक्‍याः से धाङ यापगी नाङ ॱनेगीलाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।