योहान्‍ना 8:29 - ॱलोवा

²⁹ धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

योहान्‍ना 8:29 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 8:16

घीहीनाः ङी ठीम्‍चो़ झ्‍यीना, दे धेन्‍पा हीन घीझ्‍येरी ॱनाना दे ङा च्‍यीगा मेन्‍दा, ङाला ॱङाक्‍कीन याप मुला ठीम्‍चो़ झ्‍यीदाहीन।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।