योहान्‍ना 8:19 - ॱलोवा

¹⁹ धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

योहान्‍ना 8:19 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

योहान्‍ना 1:10

कागो जीक्‍तेनदु श्‍युक हो़तालाक धेनी जीक्‍तेन खोङबागी थोक्‍ने को़वालाक हीना जीक्‍तेनगी खोङबाला ङो ॱमास्‍येवालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 7:28

होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

गालातीयापा 4:9

हीना धान्‍दा खेक्‍याई को़न्‍क्षोकला ङोस्‍ये धेनी को़न्‍क्षोक राङगी खेक्‍याला ङो खेन्‍दीयाः, खेक्‍या घाङगी झ्‍येरी जाम्‍बुलीङगी नी़थु मेगीन धाङ फेन ॱमेथोक्‍कीन ल्‍हाक्‍या स्‍योकला लोक्‍ती, धाब्‍ले देक्‍याई ढेन्‍योक झ्‍यीये दो़पा झ्‍यीदाले?

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।