योहान्‍ना 8:15 - ॱलोवा

¹⁵ खेक्‍या मीगी ङोला तेरी ठीम चेदालाक। हीना ङा सुलाः ठीम ॱमेचेहो़क।

योहान्‍ना 8:15 Iomraidhean Croise

लुका 12:14

धेनी येशुगी सुवालाक, “रोवाओ, ख्‍यी़ खाला ठीम झ्‍यीये याङना ग्‍यु घो़गीन, ङाला सी़ को़जो?”

योहान्‍ना 12:47

ङी काक्‍या ङेन्‍दी होदे ॱरुङगीनक्‍याला ठीम ॱमेताङ। घीझ्‍येरी ॱनाना ङा जीक्‍तेनदु क्‍यो़न चुक्‍तु होवामेन, हीना जीक्‍तेन क्‍योप्‍येगी क्षीला होवाहीन।

योहान्‍ना 18:36

येशुगी लेन जेपालाक, “ङी ग्‍यासी दे जीक्‍तेनगी मेन। ङी ग्‍यासी जीक्‍तेनगी हीन्‍ना, ङा याहुदापाक्‍याई लाकदु ॱमीछी़येला, ङी ॱयोक्‍पोक्‍याई टाप्‍यी हो़टु। हीना ङी ग्‍यासी दे जीक्‍तेनगी मालाक।”

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 7:24

ङोला तेरी ठीम ॱमाच्‍यो़ हीना ढाङतेनला तेन्‍ती ठीम च्‍यो़।”

योहान्‍ना 8:11

मी़ ॱनेवालाक, “चोवो, सी़या ॱमाचेजुङ।” धेनी येशुगी मोला सुवालाक, “धा हाना ङाः ख्‍यो़ला ठीम ॱमेचे। सोङ धेनी धाब्‍ले धीक्‍पा माझ्‍यी।”]

रोमापा 2:1

होझ्‍येरी श्‍येम्‍माला क्‍यो़न चुक्‍कीन मी ख्‍यो़, ख्‍यो़ला घोयाङ मेतालाक घीझ्‍येरी ॱनाना दो़न घीला, ख्‍यी़ मी श्‍येम्‍माला क्‍यो़न चुक्‍यी, होदे दो़नगोला ख्‍यो़लाः क्‍यो़न चुक्‍कीलाक। घीझ्‍येरी ॱनाना श्‍येम्‍माला क्‍यो़न चुक्‍कीन ख्‍यी़याः, होदे लेगा झ्‍यीदालाक।

१ कोरीन्‍थुपा 2:15

धाम्‍पे थुक्‍ङीला तेन्‍गीन मीक्‍याई, घीरीगी ताक्‍चो़ झ्‍यीदालाक हीना खोला सी़या ताक्‍चो़ झ्‍यी ॱमीथुक्‍वालाक।

२ कोरीन्‍थुपा 5:16

होझ्‍येरी देने ॱहाला हेक्‍या सुलाः मीगी तादाङने ॱमेता। एम्‍मा मास्‍यीकाला हेक्‍याई मीगी तादाङने तेवालाक। धा देने ॱहाला, हेक्‍या खोङला हुरेझ्‍येरी ॱमेता।

याकोब 2:4

धा खेक्‍या खेरी नाङदुराङ ॱयेवा झ्‍येरी, खेक्‍या साम्‍लो ङेन्‍पागी ठीम्‍पो़न झ्‍युवामाले?