योहान्‍ना 8:14 - ॱलोवा

¹⁴ येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

योहान्‍ना 8:14 Iomraidhean Croise

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 5:31

“ङी ङाराङगी कोरला धेन्‍पाङ झ्‍यीना होदे धेन्‍पा मेयोङालाक।

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

२ कोरीन्‍थुपा 11:31

ङा शोक ॱमेस्‍येदालाक ॱनेरी, ग्‍युने ग्‍युन्‍दु तो़पा हो़गीन, चोवो येशुगी याप को़न्‍क्षोकगी खेन्‍दा जेदालाक।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।