योहान्‍ना 8:12 - ॱलोवा

¹² येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 8:12 Iomraidhean Croise

मेथा 5:14

“खेक्‍या जीक्‍तेनगी हो़ लाक। री खाला क्षाक्‍कीन यु दे बा ॱमीथुवालाक।

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

योहान्‍ना 12:35

येशुगी खुङक्‍याला सुवालाक, “हो़ दे खेक्‍याई मुला धी़ तुङ-तुङ च्‍यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्‍यी। मी़नाकगी नाङला डोगीनगी़ घारु डोगीनगो ॱमेस्‍येलालाक।

योहान्‍ना 12:36

हो़ हो़ती घाङलाराङ, खेक्‍या हो़गी से धाङ सेमो झ्‍युङयेला हो़गोला धेपा झ्‍यी।” येशुगी दे सुङसारती खोङबा होदेने फेप्‍ती, खुङक्‍याने हीप्‍ती श्‍युक्‍पालाक।

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 3:19

धा ठीम्‍चो़गी दो़न्‍दाकगो देराङ लाक; हो़गो जीक्‍तेनदु फेप्‍सालाक हीना मीक्‍याई ले ङेन्‍पागी झ्‍येरी खुङक्‍याई हो़ले मी़नाकला घावालाक।

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

योहान्‍ना 9:5

ङा जीक्‍तेनदु हो़गीन थुक्‍पे, ङा जीक्‍तेनगी हो़ हीन।”

जेपा 13:47

घीझ्‍येरी ॱनाना चोवोगी हेला ‘जाम्‍बुलीङगी था थुक्‍पे मीक्‍याई थारपा थोप्‍पास्‍योक ॱनेरी, ङी खेक्‍याला याहुदापा मेन्‍गीन मीरीकक्‍याई खोक्‍दु हो़क झ्‍युङयेला को़वाहीन।’ सुरी देरे का ॱनावालाक।”

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

२ पेटो 2:17

दे ॱलोपो़न शोक्‍पोक्‍या क्षुमीक काम्‍बोक्‍या धाङ ॱलुङबुगी धेता ॱमुक्‍पा च्‍योक्‍रे लाक। खुङक्‍याई क्षीदु मी़नाक तीङरीङबोगी घोक्‍जा श्‍याक हो़तालाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

१ योहान्‍ना 1:6

धा होरी थी़न्‍डीलगो को़न्‍क्षोकमुला हो़क ॱने, हीना मी़नाकला ग्‍युक्‍ना, होराङक्‍या शोक स्‍येदालाक धेनी धेन्‍पागो ॱमीचीलालाक।

युदा 1:13

धेनी देक्‍या राङगी ङोछागी बोवा तो़न्‍गीन, ग्‍याछोगी भालाप ॱङ्यो़न्‍बाक्‍या च्‍योक्‍रे लाक। धेनी देक्‍या धी़ ताक्‍दु जीक्‍टाक्षे मी़नाकगी क्षीला डाढीक झ्‍येजा, कारमा ख्‍याम्‍बोक्‍या च्‍योक्‍रे लाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

ॱङो़न्‍पा 21:24

धेनी मीरीक घीरी होदेगी हो़ला तेन्‍ती, छोवा क्‍यालालाक धेनी साश्‍यीगी ग्‍यावुक्‍याई राङगी शीजे दी नाङदु खेरती हुङगीलाक।