योहान्‍ना 8:11 - ॱलोवा

¹¹ मी़ ॱनेवालाक, “चोवो, सी़या ॱमाचेजुङ।” धेनी येशुगी मोला सुवालाक, “धा हाना ङाः ख्‍यो़ला ठीम ॱमेचे। सोङ धेनी धाब्‍ले धीक्‍पा माझ्‍यी।”]

योहान्‍ना 8:11 Iomraidhean Croise

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

लुका 5:32

धेनी ङा ढाङतेनक्‍याला मेन्‍दा, धीक्‍चेनक्‍याला राङगी धीक्‍पा पारी सेम ग्‍युरयेला भो़रु होवाहीन।”

लुका 9:56

धेनी खोङबाक्‍या यु श्‍येम्‍मा च्‍यीकला फेप्‍पालाक।

योहान्‍ना 18:36

येशुगी लेन जेपालाक, “ङी ग्‍यासी दे जीक्‍तेनगी मेन। ङी ग्‍यासी जीक्‍तेनगी हीन्‍ना, ङा याहुदापाक्‍याई लाकदु ॱमीछी़येला, ङी ॱयोक्‍पोक्‍याई टाप्‍यी हो़टु। हीना ङी ग्‍यासी दे जीक्‍तेनगी मालाक।”

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 5:14

स्‍याम्‍ला येशुगी खोला क्षो़खाङदु थुक्‍ती खोला सुवालाक, “तो़दाङ, ख्‍यो़ ढाक्‍सालाक। होझ्‍येरी स्‍याम्‍ला देने ल्‍हाक दुक्‍ङेल क्षे मेयोङयेला, ख्‍यो़ याङदा धीक्‍पा माझ्‍यी।”

योहान्‍ना 8:15

खेक्‍या मीगी ङोला तेरी ठीम चेदालाक। हीना ङा सुलाः ठीम ॱमेचेहो़क।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

१ कोरीन्‍थुपा 5:12

फीदी मीक्‍याई ठीम्‍चो़ झ्‍येरी ङाला घी हुङगीलाक से? क्षो़छोक नाङगी मीक्‍याला खेक्‍याई ठीम चे घोगुमाले?

२ पेटो 3:15

होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।