योहान्‍ना 7:39 - ॱलोवा

³⁹ हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

योहान्‍ना 7:39 Iomraidhean Croise

मेथा 16:14

खुङक्‍याई ॱनेवालाक, “रीङगागी ठी़सो़खेन योहान्‍ना धेनी रीङगागी एलीया धेनी रीङगागी येरेमीया याङना ॱङो़नस्‍येखेनक्‍याने च्‍यीक लाक ॱनेरी ॱनी।”

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

लुका 3:16

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

योहान्‍ना 1:21

धेनी खुङक्‍याई खोला, “ॱहाना ख्‍यो़ सुले? ख्‍यो़ एलीया हीने?” ॱनेरी ढीवालाक। खी़, “ङा मेन।” ॱनेरी ॱनेवालाक। “हीकी रेवा झ्‍येजा ॱङो़नस्‍येखेनगो ख्‍यो़ हीने?” खी़, “ङा मेन।” ॱनेरी लेन ग्‍याप्‍पालाक।

योहान्‍ना 1:25

धेनी खुङक्‍याई योहान्‍नाला ढीवालाक, “धा ख्‍यो़ मास्‍यीकागोवा मेन, एलीयागोवा मेन धेनी होदे ॱङो़नस्‍येखेनगोवा मेन्‍ना, घीझ्‍येरी ठी़सो़ तेराले?”

योहान्‍ना 1:33

ङी ङाराङगी खोङला ङो ॱमास्‍ये हीना ङाला क्षुगी ठी़सो़ तेरयेला ॱङाक्‍कीनगी़ ङाला सुजुङ, ‘धाम्‍पे थुक्‍ङी सी़ खाला भाप्‍ती श्‍युक्‍कीनगो ख्‍यी़ ज्‍याली, खोङबाराङ धाम्‍पे थुक्‍ङीगी ठी़सो़ जेगीनगो हीन।’

योहान्‍ना 12:16

खोङबागी ङेनेक्‍याई दी दो़न एन्‍ला ॱहामाघोरपालाक हीना येशु शीजेला फायी घाङला, दी लाब दे खोङबागी कोरला ढीक्‍टा धाङ श्‍येनगी खोङबाला घी झ्‍येजागो ढेन सो़वालाक।

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 16:14

खोङगी ङी शीजे ॱङो़न्‍दु जेगीलाक घीझ्‍येरी ॱनाना ङी घी हीन्‍गीनगो, खोङगी ङाने लेन्‍दी खेक्‍याला तो़न्‍दा जेगीलाक।

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 20:22

दे सुङसारती खोङबागी खुङक्‍याला फु ग्‍याप्‍ती सुवालाक, “धाम्‍पे थुक्‍ङी लेन च्‍यीक।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 7:12

मीछोकक्‍याई खोक्‍दु रीङगागी “खोङ मी शाङपो च्‍यीक लाक।” धेनी रीङगागी “खोङ देरे मेन्‍दा मी माङपोला गोकोर ताङगीन च्‍यीक लाक।” ॱनेरी खोङबागी कोरला लाब ढामेढा माङा झ्‍युवालाक।

योहान्‍ना 8:54

येशुगी सुवालाक, “ङी ङाराङला कुरती झ्‍यीना, ङी कुरती दे दो़न मेगीन झ्‍युङगीलाक। खेक्‍याई ‘खोङ नी हीकी को़न्‍क्षोक लाक’ ॱनेरी ॱनागीन, खोङबा ङी यापगीराङ ङाला कुरती जेगीलाक।

जेपा 19:2

खी़ खुङक्‍याला ढीवालाक, “खेक्‍याई चोवोला धेपा झ्‍येरी, धाम्‍पे थुक्‍ङी जोरजी?” खुङक्‍याई ॱनेवालाक, “माजोरजुङ, हेक्‍याई धाम्‍पे थुक्‍ङी हो़तालाक ॱनेरी ॱहाघो माङ्युङ।”

जेपा 2:17

को़न्‍क्षोकगी सुङालाक, ‘थामागी ङीमाक्‍याला, ङा मी घीरीगी खाला ङी थुक्‍ङी तेरयेहीन, धेनी खेक्‍याई भीजा-भोमोक्‍याई ॱङो़न स्‍येगीलाक, ख्‍योक्‍तोङक्‍याई थोङनाङ थोङगीलाक, धेनी घेबो-घेमोक्‍याई ॱमीक्‍लाम ॱमीक्‍कीलाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

२ कोरीन्‍थुपा 3:8

धा हुरे हीन्‍ना धाम्‍पे थुक्‍ङीगी क्षाक्‍लेगो, क्षो़ठीम ले ल्‍हाक शीजेक्षे मेयोङगीले?

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।