योहान्‍ना 7:37 - ॱलोवा

³⁷ धी़छेनगी थागी ङीमा क्षेगोला, येशु श्‍येङदी सुङकेक क्षेला सुङा जेपालाक, “खे कोम्‍गीनक्‍या ङी डुङदु होरी थुङास्‍योक।

योहान्‍ना 7:37 Iomraidhean Croise

मेथा 11:28

“ख्‍ये थाङ क्षेछा धाङ खु क्षेगी ॱनेम्‍दी धेता घीरी ङीचारु स्‍योक, ङी खेक्‍याला ङासु तेरु।

मेथा 3:3

ॱङो़नस्‍येखेन यस्‍यायागी देरे सुङगीन, दे नी योहान्‍नागी कोरला लाक, “रीतोङदु भो़गीन केक च्‍यीक, ‘चोवोगी फेप्‍लाम डाढीक झ्‍यी। खोङबागी फेप्‍लाम दे खाप्‍ते शो़।’”

मेथा 5:6

ढाङतेनगी क्षीला तोक्‍कीन धाङ कोम्‍गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई दो़पा खाङगीलाक।

योहान्‍ना 1:23

योहान्‍नागी ॱनेवालाक, “ॱङो़नस्‍येखेन यस्‍यायागी सुङगीन, ‘रीतोङदु भो़गीन च्‍यीकगी केक, चोवोगी फेप्‍लाम खाप्‍ते शो़।’ ॱनेरी ॱनागीन केकगो ङा हीन।”

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 5:40

हीना खेक्‍या थामेपे छेसोक थोप्‍येला ङीचारु हुङङी मेदो़दालाक।

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:55

घीझ्‍येरी ॱनाना शामा ॱङोन्‍नेगो, ङी ली़गी स्‍या धाङ थुङये ॱङोन्‍नेगो ङी ठाक लाक।

योहान्‍ना 7:28

होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

१ कोरीन्‍थुपा 10:21

खेक्‍या चोवोगी फोरा धाङ डेक्‍याई फोरा ॱङीगाराने थुङ ॱमीथुक्‍वालाक। धेनी खेक्‍या चोवोगी सोच्‍योक धाङ डेक्‍याई चोक्‍चे ॱङीगाराने शा ॱमीथुक्‍वालाक।

१ कोरीन्‍थुपा 10:4

धेनी घीरीगी सेम्‍ङीगी क्षु थुवालाक। घीझ्‍येरी ॱनाना खुङक्‍यामुला हो़गीन सेम्‍ङीगी फोङगीङगी, क्षु खुङक्‍याई थुवालाक धेनी फोङगीङ दे मास्‍यीका लाक।

१ कोरीन्‍थुपा 11:25

देरेराङ झ्‍येरी श्‍येछारती खोङबागी फोरागो ॱनुम्‍दी देरे सुवालाक, “दे फोरा नी, ङी ठाकला हो़गीन धाम्‍चा साबागो हीन। खेक्‍याई दे नाम थुङना, ङी ढेन्‍सोगी क्षीला झ्‍यी।”

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।