योहान्‍ना 7:31 - ॱलोवा

³¹ घीहीन्‍ना मी माङक्षेगी खोङबाला धेपा झ्‍येरी ॱनेवालाक, “मास्‍यीका फेई घाङला, खोङगी दे मी देले ल्‍हाक ताकक्‍या मेजे हो़टु।”

योहान्‍ना 7:31 Iomraidhean Croise

मेथा 12:23

धेनी मीछोक घीरी ॱमीच्‍यीकी ॱहालेरी ॱनेवालाक, “मी दे ग्‍यावु दावीदगी सेगो हीन्‍ढी़?”

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

योहान्‍ना 11:45

होझ्‍येरी मीरीयामचारु होवा याहुदापा माङागी येशुगी दे जेगीनगो थोरी, खोङला धेपा झ्‍येवालाक।

योहान्‍ना 12:11

घीझ्‍येरी ॱनाना लाजारगी केनगी याहुदापा ॱमीच्‍यीकी माङा, खुङक्‍याने खा डारी येशुला धेपा झ्‍येवालाक।

योहान्‍ना 12:42

देरे झ्‍येरीया याहुदापा पो़न्‍रीक नाङने माङागी, येशुला धेपा झ्‍येवालाक। हीना खुङक्‍याला याहुदापे छोक्‍खाङने पी़टु ॱनेरी, फारुसीपाक्‍याला जीक्‍ती खेलेन माझ्‍येवालाक।

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 4:29

“ङी झ्‍येजा घीरी ङाला सुङगीन मी देला तारु स्‍योक। मास्‍यीकागो खोङबाराङ मेन्‍डी़?”

योहान्‍ना 4:39

“ङी झ्‍येजा घीरी खोङबागी ङाला सुजुङ” ॱनागीन होदे केमीगी़ धेन्‍पाङगी झ्‍येरी, होदे युगी सामारीपा माङक्षेगी खोङबाला धेपा झ्‍येवालाक।

योहान्‍ना 6:2

खोङबागी नेपा माङाक्‍याला ढाक्‍सो जेगीन ताकक्‍या मीछोकक्‍याई थोथा झ्‍येरी, खुङक्‍या खोङबागी स्‍याबाला डावालाक।

योहान्‍ना 7:26

धा तो़दाङ, खोङ नी दुरु ॱङो़न्‍सुमदु क्षो़ सुङी धेनी खुङक्‍या खोला घीया ॱमेना। धा याहुदापा पो़न्‍पोक्‍याई, खोङराङ मास्‍यीकागो हीन साम्‍बाराक।

योहान्‍ना 9:16

फारुसीपा रीङगाक्‍याई ॱनेवालाक, “मी दी ङासुगीन ङीमागो ॱमारुङवा, दे मी दे को़न्‍क्षोकने मालाक।” हीना श्‍येम्‍माक्‍याई ॱनेवालाक, “मी धीक्‍चेन च्‍यीकगी देरे ताकक्‍या घाङगी झ्‍येरी झ्‍यी थुक्‍वाले?” धेनी होदुरु मीक्‍या खाक ॱङीला भेवालाक।

जेपा 8:13

सीमोनगीयाः खोराङ धेपा झ्‍येवालाक धेनी ठी़सो़ लेन्‍सारती, खो फीलीपमुला ग्‍युक्‍वालाक। धेनी फीलीपने झ्‍युजा ताकक्‍या धाङ ॱहाङसागीन लेगाक्‍या थोरी खो ॱहालेवालाक।

याकोब 2:26

ली़ सेमने डाना स्‍यीगीन च्‍योक्‍रे, धेपागोवा लेगाने डाना स्‍यीस्‍या च्‍योक्‍रे लाक।