योहान्‍ना 7:28 - ॱलोवा

²⁸ होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

योहान्‍ना 7:28 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 2:23

धेनी खो सोरी नाजारेत ॱनागीन युदु धेपालाक। धा एम्‍मा ॱङो़नस्‍येखेनक्‍याई थोक्‍ने, “खोङबाला नाजारेपा सुरी श्‍युगीलाक।” सुङगीन दे डुप्‍पालाक।

मेथा 26:55

होदे धी़चो़ला येशुगी मीछोकक्‍याला सुवालाक, “झ्‍याक्‍पा च्‍यीकला शीम्‍दु डुगीन च्‍योक्‍रे, राल्‍डी धाङ ग्‍युक्‍पा खेरती खेक्‍या ङाला शीम्‍दु हुङाले? श्‍याक्‍मो-श्‍याक्‍मोला ङा को़न्‍क्षोकगी क्षो़खाङदु धेती ॱलाबालाक धेनी खेक्‍याई ङाला शीम्‍गी मीदुक।

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

लुका 2:39

धेनी चोवोगी क्षो़ठीमला तेन्‍ती झ्‍यीघो़गीन ॱरो घीरी डुप्‍सारती, मीरीयाम धाङ योसेफ येशुला खेरती गालीलगी खोरी यु नाजारेतला लोक्‍ती सोवालाक।

लुका 2:4

होझ्‍येरी योसेफ गालीलगी नाजारेत युने युदेयागी बेथलेहेम ॱनागीन, दावीद ग्‍यावुगी ग्‍याजाला सोवालाक घीझ्‍येरी ॱनाना खो दावीदगी नाङ धाङ ग्‍युपाने लाक।

लुका 2:51

धेनी येशु फामाक्‍यामुला नाजारेतला लोक्‍ती फेप्‍पालाक। धेनी फामाक्‍याई खाला ङेन्‍दी श्‍युक्‍पालाक। हीना खोङबागी युमगी, दे लाब घीरी मोरी सेम नाङदु धी़री श्‍याक्‍पालाक।

योहान्‍ना 1:46

नाथानेलगी खोला ॱनेवालाक, “नाजारेतने शाङपो घीया झ्‍युङ थुक्‍कीले?” फीलीपगी खोला, “ख्‍यो़राङ राङ होरी तो़।” ॱनेरी ॱनेवालाक।

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 12:49

घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 3:33

खोङबागी पाङपो जेगीनला खेलेन्‍गीनक्‍याई, को़न्‍क्षोक धेन्‍पा हीन्‍गीनगी पाङपो झ्‍यीदालाक।

योहान्‍ना 5:32

ङी कोरला धेन्‍पाङ झ्‍यीगीन मी श्‍येम्‍मा च्‍यीक हो़तालाक धेनी खोङगी ङाला पाङपो जेगीनगो, धेन्‍पा हीन ॱनेरी ङाला स्‍येयेहो़क।

योहान्‍ना 5:43

ङा ङी यापगी छेनला तेन्‍दी होवाहीन हीना खेक्‍याई ङाला खेलेन्‍गीमीदुक। मी श्‍येम्‍मा च्‍यीक राङगी मीङला तेन्‍दी हो हो़ना, खेक्‍या खोला खेलेन्‍येहो़क।

योहान्‍ना 6:42

खुङक्‍याई ॱनेवालाक, “दे योसेफगी भीजा येशु माले? खी़ फामा होराङ ङोस्‍येला माले? धा धान्‍दा खो ‘ङा नाम्‍खे श्‍यीङखामने भाप्‍पा हीन’ ॱनेरी, घाङगी झ्‍येरी ॱनाथुक्‍वाले?”

योहान्‍ना 7:14

धेनी धी़छेनगी फे चो़ला येशु क्षो़खाङ नाङदु फेप्‍ती, क्षो़ ॱनाङये गो चुक्‍पालाक।

योहान्‍ना 8:14

येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

योहान्‍ना 8:16

घीहीनाः ङी ठीम्‍चो़ झ्‍यीना, दे धेन्‍पा हीन घीझ्‍येरी ॱनाना दे ङा च्‍यीगा मेन्‍दा, ङाला ॱङाक्‍कीन याप मुला ठीम्‍चो़ झ्‍यीदाहीन।

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

योहान्‍ना 9:29

को़न्‍क्षोकगी मोशेला कामो़न सुङगीनगो हेक्‍याला स्‍येयेहो़क हीना दे मी दे घाने हुङगीनगो हेक्‍याला स्‍येयेमेक।”

जेपा 17:23

खीकी ग्‍याजाने डी़ घाङला ङी खेक्‍याई क्षो़ झ्‍यीजा च्‍यालाकक्‍याला तेवी। होदुरु ङी क्षो़ठी च्‍यीकला देरे ढीक्‍टा च्‍यीक थोजुङ, ‘ङो ॱमेस्‍येगीन ल्‍हागी क्षीला’। धा खेक्‍याई ङोमेस्‍येलाला चीगीन ल्‍हागो सु लाक ॱनेरी, ङी खेक्‍याला ॱनाउ।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”

२ कोरीन्‍थुपा 1:18

हीना को़न्‍क्षोक ॱलोते छोक्‍पा हो़गीन च्‍योक्‍रे, हीकी खेक्‍याला “लाक” धाङ “मालाक” ॱनागीनगी तामक्‍या ॱमास्‍येहो़क।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।