योहान्‍ना 7:19 - ॱलोवा

¹⁹ मोशेगी खेक्‍याला क्षो़ठीम दे ॱमानावाले? हीना याङ खेक्‍या सी़या क्षो़ठीम दे ॱमीरुङालाक। धा खेक्‍या ङाला सेयेगी थापस्‍यी घीझ्‍येरी चालाले?”

योहान्‍ना 7:19 Iomraidhean Croise

मेथा 12:14

हीना फारुसीपाक्‍या होदेने थो़न्‍दी सोरी, खोङबाला घाङ झ्‍येरी सेये ॱनेरी ढो़ झ्‍येवालाक।

मेथा 21:38

हीना होदे बोक्‍माला लेन्‍गीनक्‍याई भीजागोला थोरी देरे ॱनेवालाक, ‘दे नी ग्‍युज्‍यीनगो लाक। स्‍योक, खोला सेदी खी़ थोप्‍ताङगो होराङ ठोउ।’

मारकु 11:18

धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, दे लाब घोरती खोङबाला घाङगी झ्‍येरी सेये ॱनेरी, झ्‍यी़ झ्‍येवालाक। धेनी खुङक्‍या येशुमुला जीक्‍पालाक घीझ्‍येरी ॱनाना मीछोक घीरी खोङबागी क्षो़ला ॱहालेवालाक।

मारकु 3:4

खोङबागी खुङक्‍याला सुवालाक, “ङासुगीन ङीमाला शाङपो झ्‍यीये याङना ङेन्‍पा झ्‍यीये? ॱरोक क्‍योप्‍ये याङना ॱरोक चेये, ठीमला घीन्‍गो थी़न्‍दीओ?” हीना खुङक्‍या खाबा धेपालाक।

मारकु 3:6

धेनी फारुसीपाक्‍या होदेने थो़न्‍दी सोरी, खोङबाला घाङगी झ्‍येरी सेये दुई ॱनेरी, हेरोदेगी मीक्‍यामुला लाम्‍साङ ढो़ झ्‍येवालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 10:39

खुङक्‍याई याङ येशुला शीम्‍ये थापस्‍यी झ्‍येवालाक हीना खोङबा खुङक्‍याई लाकने थारती डो़वालाक।

योहान्‍ना 11:53

होझ्‍येरी दे ङीमाने झ्‍येरी, याहुदापा पो़न्‍पोक्‍याई येशुला सेयेला झ्‍यी़ङेन तीवालाक।

योहान्‍ना 5:16

होझ्‍येरी येशुगी ङासुगीन ङीमाला देरे जेदी, याहुदापा पो़न्‍पोक्‍याई खोङबाला दुक्‍पु ताङयेला गो चुक्‍पालाक।

योहान्‍ना 5:18

येशुगी ङासुगीन ङीमा पाङये च्‍यीगा मेन्‍दा राङला को़न्‍क्षोकगी ढाडा जेदी, को़न्‍क्षोक नी राङगी याप लाक ॱनेरी सुङगीन झ्‍येरी, याहुदापा पो़न्‍पोक्‍याई येशुला देले ल्‍हाक सेयेगी थापस्‍यी चावालाक।

योहान्‍ना 5:45

“ङी यापगी डुङदु खेक्‍याला क्‍यो़न काटु ॱनेरी ॱमासाम। क्‍यो़न कागीनगो खेक्‍यागी ॱलोकाका मोशेगो लाक।

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

योहान्‍ना 7:25

येरुसालेमगी मी रीङगागी ॱनेवालाक, “खुङक्‍याई सेयेला चागीन मीगो देराङ माले?

जेपा 7:38

दे होदे मोशेराङ लाक। ईस्‍राएल्‍पाक्‍या रीतोङदु धेदी घाङला, सीना रीरु नाम्‍खे भाङछेनगी मोशे धाङ होरी धाङबी फामाक्‍यामुला कामो़न सुवालाक। धेनी को़न्‍क्षोकगी खोला होरी क्षीला, छे ॱनाङगीन का ॱनाङवालाक।

गालातीयापा 3:19

धा हाना क्षो़ठीम ॱनाङगीनगी दो़नगो घी ले? धाम्‍चा ॱनाङना से दे ॱमाफेप्‍कीन थुक्‍पे, ङेक्‍यो़नक्‍या तो़न्‍ये क्षीला को़न्‍क्षोकगी भाङछेनक्‍यागी बारमी च्‍यीकगी थोक्‍ने, क्षो़ठीम ॱनाङा जेपालाक।

गालातीयापा 6:13

याहुदापा पाउ चेगीन ॱरो ॱरुङगीनक्‍यागीया क्षो़ठीम ॱमीरुङालाक। हीना खुङक्‍या खीकी दो़नने राङला तो़टा राक्‍येला, खेक्‍याई पाउ चेगीन ॱरो ॱरुङये दो़पा झ्‍यीदालाक।