18 राङला तेन्दी स्येगीन दे, राङगी ॱङेन्डाक चालालाक हीना राङला ॱङाक्कीनगी ॱङेन्डाक चागीन, दे धेन्पा लाक धेनी खी़ नाङदु शोक मीयोङालाक।
खेक्या देरे झ्येरी ॱमो़लाम श्यी़, ‘नाम्खे श्यीङखामदु श्युक्कीन हीकी याप, खेराङगी छेन धाम्पा ॱरुङवास्योक।
हीना येशुगी दे सेन्दी सुवालाक, “नाजा दी छीवाला झाङगीमालाक। को़न्क्षोकगी शीजे ॱङो़न्येगी क्षीला धाङ दी थोक्ने, को़न्क्षोकगी सेगी शीजे झ्युङयेगी क्षीला लाक।”
याप ला, खेराङगी छेनला शीजे धाङ धेन्पा जेरो।” धेनी नाम्खे श्यीङखामने सुङकेक च्यीकगी सुवालाक, “ङी शीजे धाङ धेन्पा जेहो़क धेनी धाब्ले शीजे धाङ धेन्पा झ्यीयेहीन।”
घीझ्येरी ॱनाना खुङक्या को़न्क्षोकगी कुरती ले ल्हाक, मीगी कुरतीला क्षाक्पालाक।
“ङी मीक्याने कुरती चाला मेन,
येशुगी सुवालाक, “ङी ङाराङला कुरती झ्यीना, ङी कुरती दे दो़न मेगीन झ्युङगीलाक। खेक्याई ‘खोङ नी हीकी को़न्क्षोक लाक’ ॱनेरी ॱनागीन, खोङबा ङी यापगीराङ ङाला कुरती जेगीलाक।
मास्यीकागी कुछाप झ्युरी, हेक्याई खेक्याला आङजा झ्यी थुक्येहो़क हीना मी सुनेः हीकी तो़टा ॱमाचा। खेक्याने मेन धेनी श्येम्माक्याने मेन।
दो़न घीरीगी थोक्ने, येशु मास्यीकागी थोक्ने को़न्क्षोकगी शीजे झ्युङयेगी क्षीदु, खेक्याने क्षो़ स्येगीनगी को़न्क्षोकगी का सुङगीन च्योक्रे स्येघो़ धेनी खेक्याने श्याप्ची श्युगीनगी को़न्क्षोकगी ॱनाङना तोपगी गोने श्याप्ची श्यी़घो़। धी़ तेन्दु शीजे धाङ वाङ खोङबागी लाक। आमेन।
खोङ ढाङपो हीन्गीनगो खेक्याई ॱहाघोर हो़ना, ढाङपो झ्यीगीन घीरी खोङगी थोक्ने केवालाक ॱनेरी, खेक्याई ॱहाघोरालाक।