योहान्‍ना 7:1 - ॱलोवा

¹ होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

योहान्‍ना 7:1 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 21:38

हीना होदे बोक्‍माला लेन्‍गीनक्‍याई भीजागोला थोरी देरे ॱनेवालाक, ‘दे नी ग्‍युज्‍यीनगो लाक। स्‍योक, खोला सेदी खी़ थोप्‍ताङगो होराङ ठोउ।’

मारकु 11:18

धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, दे लाब घोरती खोङबाला घाङगी झ्‍येरी सेये ॱनेरी, झ्‍यी़ झ्‍येवालाक। धेनी खुङक्‍या येशुमुला जीक्‍पालाक घीझ्‍येरी ॱनाना मीछोक घीरी खोङबागी क्षो़ला ॱहालेवालाक।

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 4:3

होझ्‍येरी खोङबा युदेया युने, खा डारी याङ गालील यु स्‍योकला फेप्‍पालाक।

योहान्‍ना 4:54

धा दे, युदेयाने गालीलदु फेप्‍ती येशुगी जेजा ताक ॱङीवागो लाक।

योहान्‍ना 6:1

होदे स्‍याम्‍ला, येशु गालील छोगी ॱहाकीनला फेप्‍पालाक। (होदेला तीबेरीयास छोवा ॱनालाक।)

योहान्‍ना 7:11

धी़छेनला याहुदापा पो़न्‍पोक्‍याई खोङबा घारु दुक ॱनेरी, ढीरी चाली हो़तालाक।

योहान्‍ना 7:13

हीना याहुदापा पो़न्‍पोक्‍याला जीक्‍ती, मी सी़या खोङबागी कोरला ॱङो़न्‍सुमदु स्‍ये ॱमाथुक्‍पालाक।

योहान्‍ना 7:19

मोशेगी खेक्‍याला क्षो़ठीम दे ॱमानावाले? हीना याङ खेक्‍या सी़या क्षो़ठीम दे ॱमीरुङालाक। धा खेक्‍या ङाला सेयेगी थापस्‍यी घीझ्‍येरी चालाले?”

योहान्‍ना 7:25

येरुसालेमगी मी रीङगागी ॱनेवालाक, “खुङक्‍याई सेयेला चागीन मीगो देराङ माले?

योहान्‍ना 7:35

धेनी याहुदापा पो़न्‍पोक्‍याई खोराङक्‍या घुङदु देरे ॱनेवालाक, “मी दे होरी ॱङे ॱमीथुप्‍कीन साजा घारु डोये हीन्‍ढी़? गीरीकक्‍या खोक्‍दु थोरती धेता याहुदापाक्‍या घुङदु सोरी, खो गीरीकक्‍याला क्षो़ स्‍येये सामी हो़ता?

योहान्‍ना 8:37

खेक्‍या आब्‍राहामगी भुग्‍यु हीन्‍गीनगो ङाला स्‍येयेहो़क। घीहीनाः ङी का खेक्‍याई नाङला ॱने मेता, खेक्‍या ङाला सेयेगी घोकाप चालालाक।

योहान्‍ना 8:40

धा ङी को़न्‍क्षोकगी डुङने घोरकीन धेन्‍पागो, खेक्‍याला ॱनेहो़क हीना खेक्‍या ङाला सेये थापस्‍यी चालालाक। आब्‍राहामगी देरे माझ्‍येवालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।