योहान्‍ना 6:62 - ॱलोवा

⁶² देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

योहान्‍ना 6:62 Iomraidhean Croise

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:42

खुङक्‍याई ॱनेवालाक, “दे योसेफगी भीजा येशु माले? खी़ फामा होराङ ङोस्‍येला माले? धा धान्‍दा खो ‘ङा नाम्‍खे श्‍यीङखामने भाप्‍पा हीन’ ॱनेरी, घाङगी झ्‍येरी ॱनाथुक्‍वाले?”

योहान्‍ना 6:53

होझ्‍येरी येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई मी-भुगी ली़ मेशागीन धाङ खोङबागी ठाक ॱमीथुङगीन थुक्‍पे, ख्‍यो़ला छे मेयोङगीलाक।

जेपा 1:9

हो़जो़ सुङा जेदी होदेक्‍याई तेरी धेदाराङ, येशु ॱनाम स्‍योकला खेरा जेपालाक। धेनी खोङबाला ॱरीङबागी काप्‍ती, खोङबा होदेक्‍याई थोङसाने ये जेपालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।