योहान्‍ना 6:52 - ॱलोवा

⁵² धा याहुदापाक्‍याई खोराङक्‍या नाङदु चो़लीङ झ्‍येरी ॱनेवालाक, “मी दे घाङगी झ्‍येरी राङगी स्‍या होराङला शायेला तेर थुक्‍कीले?”

योहान्‍ना 6:52 Iomraidhean Croise

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 10:19

येशुगी सुङगीन का दे, ङेन्‍दी याहुदापा पो़न्‍पोक्‍या याङ ठुक्‍पालाक।

योहान्‍ना 3:4

नेकोदेमगी खोङबाला श्‍यी़वालाक, “मी च्‍यीक खा घेसारती, घाङगी झ्‍येरी केथुक्‍कीले? खो खोरी आमे फोवा नाङदु, थेङ ॱङीवा जुरी के थुक्‍वाले?”

योहान्‍ना 3:9

नेकोदेमगी, “दे घाङगी झ्‍येरी झ्‍युङ थुक्‍कीले?” ॱनेरी, खोङबाला श्‍यी़वालाक।

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

योहान्‍ना 6:41

येशुगी, “नाम्‍खे श्‍यीङखामने भाप्‍पा ग्‍याङगागो ङा हीन।” सुरी सुङगीनगोला, याहुदापा पो़न्‍पोक्‍याई खोङबागी कोरला फाक्‍तुङ दुवालाक।

योहान्‍ना 6:60

धेनी दे घोरती, येशुगी स्‍याबाला डागीन मीमाङगी ॱनेवालाक, “सुङ दे ॱमीच्‍यीकी घाक्‍वा दुक, देला सी़ ङेन थुक्‍कीले?”

योहान्‍ना 9:16

फारुसीपा रीङगाक्‍याई ॱनेवालाक, “मी दी ङासुगीन ङीमागो ॱमारुङवा, दे मी दे को़न्‍क्षोकने मालाक।” हीना श्‍येम्‍माक्‍याई ॱनेवालाक, “मी धीक्‍चेन च्‍यीकगी देरे ताकक्‍या घाङगी झ्‍येरी झ्‍यी थुक्‍वाले?” धेनी होदुरु मीक्‍या खाक ॱङीला भेवालाक।

जेपा 17:32

धा मी स्‍यीस्‍या याङ सो़न्‍पो लाङगीलाक ॱनेरी घोरती, मी रीङगागी पाउलुला घो़ स्‍योरती ॱमेज्‍यु तावालाक हीना मी श्‍येम्‍माक्‍याई ॱनेवालाक, “हेक्‍या देगी कोरला धोराङा ङेन्‍ङी दो़दीक।”

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।