योहान्‍ना 6:51 - ॱलोवा

⁵¹ ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 6:51 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

लुका 22:19

देने खोङबागी ग्‍याङगा च्‍यीक क्षाकला ॱनुम्‍दी, को़न्‍क्षोकला थुक्‍जेक्षे पुरी च्‍याक्‍पालाक धेनी खुङक्‍याला देरे सुरी ॱनावालाक, “दे खेक्‍याई दो़न्‍दु झ्‍यीम्‍बा ताता ङी ली़ लाक। ङाला ढेन्‍सो़ झ्‍यीयेला खेक्‍या देरे झ्‍यी।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 11:26

धेनी ङाला ॱनेगीन धाङ धेपा झ्‍यीगीनक्‍या नामा ॱमीस्‍यीगीलाक। खेक्‍या देला यीच्‍चे हो़ते?”

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 3:14

धेनी रीतोङदु मोशेगी डुलगो याला क्‍याक्‍कीन च्‍योक्‍रे, मी-भुगोवा याला क्‍याक घोगुलाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:41

येशुगी, “नाम्‍खे श्‍यीङखामने भाप्‍पा ग्‍याङगागो ङा हीन।” सुरी सुङगीनगोला, याहुदापा पो़न्‍पोक्‍याई खोङबागी कोरला फाक्‍तुङ दुवालाक।

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:48

ङा नी छेगी ग्‍याङगा हीन।

योहान्‍ना 6:50

हीना शेरीया ॱमीस्‍यीगीन ग्‍याङगो नी, नाम्‍खे श्‍यीङखामने भाप्‍पा ग्‍याङगागो लाक।

योहान्‍ना 7:38

ङाला धेपा झ्‍यीगीनगो, सुङराप नाङला ढीक्‍टा च्‍योक्‍रे, ‘खी़ नाङने छेसोकगी क्षुगी चाङबु ग्‍युक्‍कीलाक।’”

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

एफीसुपा 5:25

ख्‍योवाक्‍याओ, राङगी केमीक्‍याला चेवा झ्‍यी घीझ्‍येरी ॱनाना मास्‍यीकागीया क्षो़छोकला चेवा जेदी, राङगी कुसोक होदेगी क्षीला ॱलो़ ताङा जेपालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 10:20

होरी दो़न्‍दु येशु ढोङा जेगीनगी गोने, धाम्‍पे धाम्‍पा ॱनेसागी योल्‍वा पे जेदी, होदे नाङदु जुयेगी लाम साबा धाङ सो़न्‍पो च्‍यीक को़ जेपालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।