योहान्‍ना 6:45 - ॱलोवा

⁴⁵ ‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

योहान्‍ना 6:45 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मारकु 1:2

ॱङो़नस्‍येखेन यस्‍यायागी धेपला देरे ढीक हो़तालाक, “तो़दाङ, ख्‍यी़ लाम डाढीक शोयेला, ङा ङी भाङछेन ख्‍यी़ दोङ-दोङला झाङाहीन,

लुका 1:70

दे नी, खोङबागी एम्‍मानेराङ राङगी धाम्‍पे ॱङो़नस्‍येखेनक्‍याई थोक्‍ने सुवालाक।

लुका 18:31

येशुगी खोरी ङेने च्‍युङङीला ठीक्‍ती सुवालाक, “तो़दाङ, होराङक्‍या येरुसालेम स्‍योकला डोयेलाक धेनी मी-भुगी कोरला ॱङो़नस्‍येखेनक्‍याई ढीक्‍टा घीरी डुप्‍कीलाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:65

धेनी खोङबागी सुवालाक, “होझ्‍येरी ‘यापगी ॱमानाङ हो़ना, ङीचारु सुवा हुङ ॱमीथुक्‍कीलाक’ ॱनेरी ङी खेक्‍याला ॱनेवाहीन।”

जेपा 13:40

होझ्‍येरी शाप-शाप झ्‍येरी धो़क धेनी ॱङो़नस्‍येखेनक्‍याई सुङसा दे लाबक्‍या, खेराङक्‍या खाला माझ्‍युङवास्‍योक।

जेपा 7:42

हीना को़न्‍क्षोकगी खुङक्‍याला ङोलोक जेपालाक धेनी ङीमा धाङ दावा धाङ कारमाक्‍याला क्षाक्‍क्षो़पा पुयेला भोर श्‍याक्‍पालाक। ॱङो़नस्‍येखेनक्‍याई धेपला, दी कोरला देरे ढीक हो़तालाक, ‘ईस्‍राएल्‍पा मीक्‍याओ, खेक्‍या लो श्‍यीपच्‍यु थुक्‍पे रीतोङदु हो़ती घाङला, खेक्‍याई ङाला ॱमारछो़ धाङ क्षो़पाक्‍या पुवे?

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

फीलीप्‍पीपा 3:15

धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

१ थेसालोनीकेपा 4:9

धा पी़न्‍दा च्‍यीकगी च्‍यीकला झाम्‍पा झ्‍यीयेगी कोरला, सी़याः खेक्‍याला ढीक घोगुमालाक घीझ्‍येरी ॱनाना च्‍यीकगी च्‍यीकला झाम्‍पा झ्‍यीयेला को़न्‍क्षोकगी ॱलाप ॱनावालाक।

ईब्‍रीपा 10:16

चोवो सुङालाक, “होदे ङीमाक्‍याई स्‍याम्‍ने, खुङक्‍यामुला श्‍याक्‍ये हीन्‍गीन, ङी धाम्‍चागो दे लाक। ङी क्षो़ठीमगो खुङक्‍याई सेमला श्‍याक्‍येहीन, धेनी होदेगो खुङक्‍याई ॱलोला ढीक्‍येहीन।”

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।