योहान्‍ना 6:40 - ॱलोवा

⁴⁰ घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:40 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 2:30

घीझ्‍येरी ॱनाना मीरीक घीरीगी दोङदु को़ जेजा, खेराङगी थारपागोला ङी ॱमीकगी थोजुङ।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 11:24

मारथागी खोङबाला श्‍यी़वालाक, “थागी ङीनला स्‍यीम्‍पो घीरी सो़न्‍पो ॱलाङी घाङला, खो याङ ॱलार सो़न्‍पो लाङगीलाक ॱनेरी ङी स्‍येलीहो़क।”

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 12:45

धेनी ङाला थोङगीनगी ङाला ॱङाक्‍कीन खोङबाला ज्‍यागीलाक।

योहान्‍ना 12:50

खोङगी ॱनाङगीन का दे थामेपे छेसोक हीन्‍गीनगो, ङी स्‍येसुङ। होझ्‍येरी ङी घी स्‍येगीनगो यापगी ङाला सुङगीनगोराङ स्‍येदाहीन।”

योहान्‍ना 14:17

दे नी धेन्‍पा तो़न्‍गीन धाम्‍पे थुक्‍ङी लाक। जीक्‍तेनगी मीक्‍याई खोङबाला सी़ ॱमीथुक्‍कीलाक घीझ्‍येरी ॱनाना खुङक्‍याई खोङबाला ॱमेथोङालाक धेनी ङो ॱमेस्‍येलालाक। खोङबा खेक्‍यामुला ॱनेलालाक धेनी खीकी नाङ ॱनेगीलाक, होझ्‍येरी खेक्‍याई खोङला ङो स्‍येलालाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

योहान्‍ना 6:44

ङाला ॱङाक्‍कीन यापगी, ङीचारु मीक्‍या ठीक्‍ती हुङा मेजेनाः, ङी डुङदु सुवा हुङ ॱमीथुक्‍कीलाक। धेनी थामे ङीमाला ङा खुङक्‍याला सो़न्‍पो ॱलाङयेहीन।

योहान्‍ना 6:54

ङी ली़ शागीन धाङ ङी ठाक थुङगीनला थामेपे छेसोक हो़तालाक धेनी थामे ङीमागोला ङा खोला सो़न्‍पो ॱलाङयेहीन।

योहान्‍ना 8:56

खीकी याप आब्‍राहामगी ङी ङीमा थोङङी दो़पालाक धेनी खोङगी थोरी ङ्यामो घेवालाक।”

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 11:27

धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।