योहान्‍ना 6:29 - ॱलोवा

²⁹ येशुगी खुङक्‍याला सुङा जेपालाक, “को़न्‍क्षोकगी ॱङाक्‍कीनगोला धेपा झ्‍यीयेगो राङ, को़न्‍क्षोकगी क्षाक्‍ले लाक।”

योहान्‍ना 6:29 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

योहान्‍ना 6:28

खुङक्‍याई खोङबाला श्‍यी़वालाक, “को़न्‍क्षोकगी क्षाक्‍ले झ्‍यीयेगी क्षीला हीकी घी झ्‍यीघो़गुले?”

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

याकोब 2:22

खी़ धेपागो खी़ लेगामुला थी़न्‍दी डुगीन धाङ लेगागी थोक्‍ने, धेपागो छाङबो झ्‍युङगीनगो खेक्‍या थोङालाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

ॱङो़न्‍पा 2:26

धेनी ग्‍यागीन धाङ था थुक्‍पे ङी लेगा ॱरुङगीनक्‍याला, ङा मीरीक-मीरीकगी खाला आङजा तेरयेहीन।