योहान्‍ना 6:27 - ॱलोवा

²⁷ मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:27 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 6:19

“जीक्‍तेनदु राङगी क्षीला ग्‍युनोर ॱमासाक, घीझ्‍येरी ॱनाना दुरु मुक्‍पा धाङ चागी मेताला ताङगीलाक, धेनी कुमु जुरी कुगीलाक।

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 1:11

धेनी नाम्‍खाने सुङकेक च्‍यीक घोरपालाक, “ख्‍यो़ ङी भीजा ढीन्‍चेन हीन। ख्‍यी़मुला ङा ॱमीच्‍यीकी ङ्यामो घा हो़क।”

मारकु 9:7

धेनी ॱरीङ च्‍यीकगी खोङबाक्‍याला तुम्‍दी, होदे साङने केक च्‍यीकगी देरे सुवालाक, “दे ङी से ढीन्‍चेनगो हीन। खी़ काला ङेन श्‍यीक।”

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

लुका 9:35

धेनी ॱरीङगी खोक्‍ने देरे सुङकेक च्‍यीक थो़न्‍बालाक, “दे ङी से धाङ ङी दाम्‍दागो हीन। खोङला ङेन।”

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 11:42

खेराङगी च्‍योई ङाला सेन्‍गीनगो ङी स्‍येलीहो़क। हीना खेराङगी ङाला ॱङाक्‍पालाक ॱनेरी, दुरु लारी धेता मीक्‍याई धेपा झ्‍यीयेला ङा देरे श्‍युवाहीन।”

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 3:15

होझ्‍येरी खोङबाला धेपा झ्‍यीगीन घीरीला, थामेपे छेसोक थोप्‍कीलाक।”

योहान्‍ना 3:33

खोङबागी पाङपो जेगीनला खेलेन्‍गीनक्‍याई, को़न्‍क्षोक धेन्‍पा हीन्‍गीनगी पाङपो झ्‍यीदालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 6:53

होझ्‍येरी येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई मी-भुगी ली़ मेशागीन धाङ खोङबागी ठाक ॱमीथुङगीन थुक्‍पे, ख्‍यो़ला छे मेयोङगीलाक।

योहान्‍ना 6:54

ङी ली़ शागीन धाङ ङी ठाक थुङगीनला थामेपे छेसोक हो़तालाक धेनी थामे ङीमागोला ङा खोला सो़न्‍पो ॱलाङयेहीन।

योहान्‍ना 6:58

नाम्‍खे श्‍यीङखामने भाप्‍पा ग्‍याङगा दे, खीकी धाङबी फामाक्‍याई शेरीया स्‍यीरी डुगीनगो च्‍योक्‍रे मालाक। दे ग्‍याङगा शागीनगो तेन्‍दु सो़न्‍पो ॱनेगीलाक।”

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

योहान्‍ना 8:18

ङी ङाराङला पाङपो झ्‍यीदाहीन धेनी ङाला ॱङाक्‍कीन यापगीया ङाला पाङपो जेदालाक।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

रोमापा 4:11

आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 9:2

मी श्‍येम्‍माक्‍याई क्षीदु ङा कुछाप च्‍यीक मेन्‍नाः, खीकी क्षीदु ङा हीन। घीझ्‍येरी ॱनाना चोवोगी नाङ, ङा कुछाप च्‍यीक हीन्‍गीनगी ताकगो खेक्‍या लाक।

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

कोलोसेपा 2:22

(दे घीरी मीगी लाक्‍लेन तारी जोक्‍ती डोवालाक)। देक्‍या नी मीगी ठीम धाङ ॱलापच्‍याक्‍याला तेन्‍दालाक।

कोलोसेपा 3:2

साश्‍यीदु हो़गीन दो़नक्‍याला मेन्‍दा, नाम्‍खे श्‍यीङखामदु हो़गीन दो़नक्‍याला साम्‍लो तोङ।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

ईब्‍रीपा 12:16

धेनी सुवाः छाक च्‍यीकगी शामागी क्षीदु, राङ भीजा क्षे हीन्‍गीनगी थोप्‍ताङगो चोङगीन एसाउ च्‍योक्‍रे, लोक्‍येम्‍पा धाङ क्षो़ मेगीन माझ्‍युङवास्‍योक।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

याकोब 1:11

घीझ्‍येरी ॱनाना ङीमा छा स्‍यारती चाक्‍या कामालाक धेनी मेन्‍तोक साला भाप्‍ती, होदेगी जेवा घीरी येलालाक। होझ्‍येरीराङ क्षुक्‍पुक्‍या राङगी लेगी दो़न्‍दाकगी खोकला, मेताला डुगीलाक।

१ पेटो 1:24

घीझ्‍येरी ॱनाना, “स्‍याठाक घीरी चा धाङ डा, शीजे घीरी चागी मेन्‍तोक डा। चा नी काम्‍ने मेन्‍तोक ये।

२ पेटो 1:17

घीझ्‍येरी ॱनाना याप को़न्‍क्षोकने खोङबाला कुरती धाङ शीजे थोप्‍यी घाङला, शीजे धाङ धेन्‍पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्‍यीकी ङ्यामो घा हो़क।” सुरी सुङकेक दे थो़न्‍बालाक।