योहान्‍ना 6:26 - ॱलोवा

²⁶ येशुगी खुङक्‍याला कालेनदु सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई ताकक्‍या थोरी मालाक हीना डागीन थुक्‍पे शेरी ङाला चालालाक।

योहान्‍ना 6:26 Iomraidhean Croise

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 6:15

मीक्‍या होरी खोङबाला ग्‍यावु को़येला उजुक झ्‍येरी ठीक्‍ये झ्‍यीगीनगो, येशुगी खेन्‍दा जेदी खोङबा च्‍यीका री स्‍योकला फेया जेपालाक।

योहान्‍ना 6:2

खोङबागी नेपा माङाक्‍याला ढाक्‍सो जेगीन ताकक्‍या मीछोकक्‍याई थोथा झ्‍येरी, खुङक्‍या खोङबागी स्‍याबाला डावालाक।

योहान्‍ना 6:24

धेनी येशु धाङ खोङबागी ङेनेक्‍या होदुरु मेगीनगो मीछोकक्‍याई थोरी, खुङक्‍याराङ डु नाङदु श्‍यो़न्‍दी येशुला चारु काफारनाहुमदु सोवालाक।

योहान्‍ना 6:30

होझ्‍येरी खुङक्‍याई खोङबाला श्‍यी़वालाक, “हेक्‍याई थोङये धाङ धेपा झ्‍यीयेला, खेराङ ताक घी जेये? खेराङ घी जेदी हो़तो?

योहान्‍ना 6:36

हीना ङी खेक्‍याला ॱनेसाहो़क, खेक्‍याई ङाला थोरीया धेपा मीझ्‍यीदालाक।

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:53

होझ्‍येरी येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई मी-भुगी ली़ मेशागीन धाङ खोङबागी ठाक ॱमीथुङगीन थुक्‍पे, ख्‍यो़ला छे मेयोङगीलाक।

योहान्‍ना 6:64

हीना खेक्‍याने रीङगागी धेपा मीझ्‍यीदालाक।” धेपा मीझ्‍यीगीनक्‍या धाङ खोङबाला ङोलोक झ्‍यीगीन सु हीन्‍गीनगो, येशुगी थोक्‍माने खेन्‍दा जेदालाक।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

फीलीप्‍पीपा 2:21

मी श्‍येम्‍माक्‍या नी येशु मास्‍यीकागी दो़नला मेन्‍दा, राङगी दो़न्‍दाक च्‍यीगा चाली।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।