योहान्‍ना 5:44 - ॱलोवा

⁴⁴ को़न्‍क्षोक च्‍यीक्‍पोने झ्‍युङगीन कुरतीगो ॱमेचाला, खेक्‍या पी़न्‍सुमगी नाङदु कुरती चागीन झ्‍येरी, खेक्‍या घाङगी झ्‍येरी धेपा झ्‍यी थुक्‍कीले?

योहान्‍ना 5:44 Iomraidhean Croise

मेथा 23:5

खुङक्‍या राङगी लेगा घीरी, मी श्‍येम्‍मागी थोङये क्षीला झ्‍यीदालाक। खुङक्‍या राङगी ॱरुङा श्‍याङ क्षे शो़ धेनी घो़गी थाजारक्‍या रीङा शोवालाक।

लुका 19:17

ग्‍यावुगी खोला ॱनेवालाक, ‘होछुङ, ॱयोक्‍पो शाङा ख्‍यो़, ख्‍यो़ ङ्युङागी खाला ढाङपो थो़न्‍दी धा ख्‍यो़ ग्‍याजा च्‍युगी खाला वाङ झ्‍यीगीलाक।’

योहान्‍ना 12:43

घीझ्‍येरी ॱनाना खुङक्‍या को़न्‍क्षोकगी कुरती ले ल्‍हाक, मीगी कुरतीला क्षाक्‍पालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 3:20

घीझ्‍येरी ॱनाना ले ङेन्‍पा झ्‍यीगीन घीरीगी हो़ला मेघालाक धेनी राङगी लेगाक्‍या ॱङो़न्‍दु च्‍युक्‍कीलाक साम्‍दी हो़दु मेयोङालाक।

योहान्‍ना 5:41

“ङी मीक्‍याने कुरती चाला मेन,

योहान्‍ना 8:43

ङी ॱनागीन लाबक्‍या खेक्‍या घीझ्‍येरी ॱहामेघोराले? घीझ्‍येरी ॱनाना खेक्‍या ङी काला घोम ॱमीथुक्‍वालाक।

रोमापा 2:10

हीना ले शाङा झ्‍यीगीन घीरीला, शीजे धाङ कुरती धाङ श्‍यीदे थोप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

१ थेसालोनीकेपा 2:6

मास्‍यीकागी कुछाप झ्‍युरी, हेक्‍याई खेक्‍याला आङजा झ्‍यी थुक्‍येहो़क हीना मी सुनेः हीकी तो़टा ॱमाचा। खेक्‍याने मेन धेनी श्‍येम्‍माक्‍याने मेन।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

याकोब 2:1

ङी पी़नक्‍याओ, खेक्‍याई धेपा होरी शीजेगी चोवो, चोवो येशु मास्‍यीका खाला हो़गीन झ्‍येरी, क्षोक्‍री माझ्‍यी च्‍यीक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।