41 “ङी मीक्याने कुरती चाला मेन,
घीझ्येरी ॱनाना खुङक्या को़न्क्षोकगी कुरती ले ल्हाक, मीगी कुरतीला क्षाक्पालाक।
ङी क्षीला मीगी पाङपो घोये मेक हीना खेक्याला थारपा थोप्येगी क्षीला ङा देक्या ॱनाहीन।
हीना खेक्या थामेपे छेसोक थोप्येला ङीचारु हुङङी मेदो़दालाक।
हीना खेक्या नाङदु को़न्क्षोकगी झाम्पा मीदुक ॱनेरी ङाला स्येयेहो़क।
को़न्क्षोक च्यीक्पोने झ्युङगीन कुरतीगो ॱमेचाला, खेक्या पी़न्सुमगी नाङदु कुरती चागीन झ्येरी, खेक्या घाङगी झ्येरी धेपा झ्यी थुक्कीले?
मीक्या होरी खोङबाला ग्यावु को़येला उजुक झ्येरी ठीक्ये झ्यीगीनगो, येशुगी खेन्दा जेदी खोङबा च्यीका री स्योकला फेया जेपालाक।
राङला तेन्दी स्येगीन दे, राङगी ॱङेन्डाक चालालाक हीना राङला ॱङाक्कीनगी ॱङेन्डाक चागीन, दे धेन्पा लाक धेनी खी़ नाङदु शोक मीयोङालाक।
ङा ङाराङगी कुरती ॱमेचाहो़क हीना ङी क्षीला कुरती चागीन च्यीक हो़तालाक धेनी खोङबा नी ठीम्पो़न लाक।
येशुगी सुवालाक, “ङी ङाराङला कुरती झ्यीना, ङी कुरती दे दो़न मेगीन झ्युङगीलाक। खेक्याई ‘खोङ नी हीकी को़न्क्षोक लाक’ ॱनेरी ॱनागीन, खोङबा ङी यापगीराङ ङाला कुरती जेगीलाक।
मास्यीकागी कुछाप झ्युरी, हेक्याई खेक्याला आङजा झ्यी थुक्येहो़क हीना मी सुनेः हीकी तो़टा ॱमाचा। खेक्याने मेन धेनी श्येम्माक्याने मेन।
खेक्या दो़न दी क्षीलाराङ भो़वालाक घीझ्येरी ॱनाना मास्यीकागी स्याम्ला डाङयेगी क्षीला, मास्यीका खीकी दो़न्दु दुक्पु ङ्यारी, खोङगी खेक्याई क्षीला पे च्यीक श्या जेपालाक।
घीझ्येरी ॱनाना याप को़न्क्षोकने खोङबाला कुरती धाङ शीजे थोप्यी घाङला, शीजे धाङ धेन्पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्यीकी ङ्यामो घा हो़क।” सुरी सुङकेक दे थो़न्बालाक।
