योहान्‍ना 5:36 - ॱलोवा

³⁶ “हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 5:36 Iomraidhean Croise

मेथा 11:4

येशुगी कालेन ॱनावालाक, “सोङला खेक्‍याई घोरकीन धाङ थोङगीन देक्‍या, योहान्‍नाला स्‍यो़क।

लुका 2:49

येशुगी फामाला सुवालाक, “खेक्‍या ङाला घीझ्‍येरी चालाले? ङा ङारी यापगी फोडाङदु धे घो़गीनगो, खेक्‍याला स्‍येये मेताले?”

योहान्‍ना 10:25

येशुगी खुङक्‍याला लेन ॱनावालाक, “ङी खेक्‍याला स्‍येछा। हीना खेक्‍या ङाला यीच्‍चे मीझ्‍यीदा। ङी यापगी थोक्‍ने ङी झ्‍येजा लेगाक्‍याई ङाला पाङपो झ्‍यीदालाक।

योहान्‍ना 11:37

हीना रीङगागी ॱनेवालाक, “श्‍याराक्‍याई ॱमीक पे थुप्‍कीन, खी़ लाजारला स्‍यीयेने क्‍योप थुप्‍ये मेताले?”

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 2:23

धा खोङबा येरुसालेमदु पेसाकगी धी़छेनला हो़ती घाङला, मी माङक्षेगी खोङबागी क्षाक्‍लेगी ताकक्‍या थोरी खोङबागी छेनला धेपा झ्‍येवालाक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:32

ङी कोरला धेन्‍पाङ झ्‍यीगीन मी श्‍येम्‍मा च्‍यीक हो़तालाक धेनी खोङगी ङाला पाङपो जेगीनगो, धेन्‍पा हीन ॱनेरी ङाला स्‍येयेहो़क।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

१ योहान्‍ना 5:9

होराङक्‍या मीगी पाङपो खे लेन्‍दालाक हीना को़न्‍क्षोकगी पाङपो देले ल्‍हाक क्षे लाक घीझ्‍येरी ॱनाना को़न्‍क्षोकगी पाङपो नी, राङगी सेगी कोरला ॱनाङ हो़तालाक।