योहान्‍ना 5:35 - ॱलोवा

³⁵ योहान्‍ना नी, बारकीन धाङ हो़ स्‍यारकीन मारमे च्‍योक्‍रे हो़तालाक धेनी खेक्‍या युन तुङा च्‍यीगा, खी़ हो़ला ङ्यामो घाये दो़पालाक।

योहान्‍ना 5:35 Iomraidhean Croise

मेथा 11:11

“ङा खेक्‍याला धेन्‍पाराङ ॱनाहीन, केमीक्‍याला केक्‍या क्‍याई नाङने, ठी़सो़खेन योहान्‍नाने क्षे सु च्‍यीया मेक। हीना नाम्‍खे ग्‍यासीगी नाङला च्‍युङस्‍योक दे, खोने क्षे हीन।

मेथा 21:26

हीना मीने झ्‍युवालाक ॱनेरी ॱनाना, मी घीरीगी योहान्‍नाला ॱङो़नस्‍येखेन लाक ॱनेरी चीरी, होराङ मीछोकला जीयालाक।”

मारकु 1:5

युदेयागी यु घीरी धाङ येरुसालेमगी मीक्‍या घीरी, खी़चारु सोवालाक धेनी खुङक्‍या राङ-राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

लुका 7:28

“ङा खेक्‍याला ॱनाहीन केमीक्‍याने, केक्‍या योहान्‍नाला खाक्‍क्षे सुवा मेतालाक हीना को़न्‍क्षोकगी ग्‍यासीला च्‍युङस्‍योकगो खोनेः क्षे लाक।”

योहान्‍ना 6:66

होदे स्‍याम्‍ने, खोङबागी स्‍याम्‍ला डागीन मी माङागी खोङबाला पारी, खोङबागी स्‍याम्‍ला डाये भोरपालाक।

२ पेटो 1:19

धेनी होरीमुला हो़गीन ॱङो़नस्‍येखेनक्‍याई का धेन्‍पा हीन्‍गीनगो, हेक्‍या ॱयोल्‍ले तेन्‍पो झ्‍युजुङ। धेनी ॱनाम शारा-शीरी माझ्‍युङगीन धाङ खीकी सेम नाङदु ॱङारोकगी कारमा ॱमास्‍यारकीन थुक्‍पे, मी़नाकगी नाङला भारती धेगीन क्‍युङ च्‍योक्‍रे, खेक्‍यागीयाः दे का देला दो़नाङ झ्‍यीना घा हुङगीलाक।