योहान्‍ना 5:3 - ॱलोवा

³ होदे ॱयाक्‍कुरु श्‍याराक्‍या धाङ श्‍याक्‍योवाक्‍या धाङ शा फोक्‍पा मी नेपा ॱना माङाक्‍या ङ्यारी धेतालाक।

योहान्‍ना 5:3 Iomraidhean Croise

मेथा 15:30

मीछोक क्षे च्‍यीक खोङबागी डुङदु च्‍यारपालाक धेनी श्‍याक्‍योक, श्‍यारा, खोङपो, घोवा-घुमा धाङ श्‍येम्‍मा ॱमीच्‍यीकी माङा ठीक्‍ती, खोङबागी श्‍याप डुङदु श्‍याक्‍पालाक। धेनी खोङबागी होदेक्‍याला चो़गा जेपालाक।

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

लुका 7:22

धेनी खोङबागी खुङक्‍याला सुवालाक, “सोङला खेक्‍याई थोङगीन धाङ घोरकीनगो योहान्‍नाला स्‍यो़क। श्‍याराक्‍याई थोङी, श्‍याक्‍योवाक्‍या घोबा चुई, जेनेक्‍या दाक्‍यी, घुक्‍याक्‍या घोरी, स्‍यीम्‍बुक्‍या सो़न्‍पो ॱलाङी धेनी ताम्‍शाङगो उटेक्‍याला स्‍येदुक।

योहान्‍ना 5:2

येरुसालेमगी लुक ॱनागीन घोगी डामदु, ॱयाक्‍कु ॱङा हो़गीन जीङु च्‍यीक हो़तालाक, ईब्‍रीपा केकला होदेला बेथेदा ॱनालाक।

योहान्‍ना 5:4

[खुङक्‍या होदे क्षु घुयेला घुक्‍ती धेतालाक। घीझ्‍येरी ॱनाना धी़-धी़ला को़न्‍क्षोकगी भाङछेन च्‍यीक होरी, होदे जीङुगी क्षु टुक्‍वालाक धेनी क्षुगो घुलुङ मेताला सु एन्‍ला होदे नाङदु जुली, होदे नाजा घारेगी तुम्‍दी धेहो़ना खो ढालाक।]

रोमापा 8:25

हीना ॱमीकगी ॱमेथोङगीनला होरी रेवा झ्‍यीना, होदेला होराङ शो़पा झ्‍येरी घुक्‍वालाक।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।