योहान्‍ना 5:22 - ॱलोवा

^22-23 यापगी सी़ च्‍यीकगीया ठीम्‍चो़ मेजेदालाक हीना घीरीगी यापला चीगीन च्‍योक्‍रे सेला चीलास्‍योक ॱनेरी, ठीम चेयेगी क्षाक्‍ले घीरी सेला ॱनाङ हो़तालाक। सेला ॱमीचीगीनक्‍याई खोङबाला ॱङाक्‍कीन यापलाः ॱमीचीगीलाक।

योहान्‍ना 5:22 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

योहान्‍ना 9:39

येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

१ पेटो 4:5

हीना सो़न्‍पो धाङ स्‍यीम्‍पो ॱङीगी ठीम्‍चो़ ॱनाङयेला डाढीक हो़गीन, खोङबाला खुङक्‍याई ची पु घोगुलाक।