योहान्‍ना 5:20 - ॱलोवा

²⁰ घीझ्‍येरी ॱनाना यापगी सेला झाम्‍पा जेदी, राङगी जेगीन घीरी सेला तो़न्‍दा जेदालाक। धेनी खेक्‍या ॱहाङसाङदु च्‍युक्‍येला, देने ल्‍हाक क्षाक्‍ले क्षे खोङबागी सेला तो़न्‍दा जेगीलाक।

योहान्‍ना 5:20 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 4:8

याङदा धी़कगी खोङबाला ॱमीच्‍यीकी री थोवा च्‍यीकला ठीक्‍ती, जाम्‍बुलीङगी ग्‍याखाप घीरी धाङ दी शीजे घीरी तो़न्‍दी,

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 10:32

येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

योहान्‍ना 15:15

धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

योहान्‍ना 5:29

धेनी फीला थो़न्‍दी हुङगीलाक। ले शाङा झ्‍यीगीन घीरी छेसोक थोप्‍ये क्षीला, सो़न्‍पो लाङये धाङ ले ङेन्‍पा झ्‍यीगीन घीरी ङेपा फोक्‍येगी क्षीला सो़न्‍पो लाङगीलाक।”

२ पेटो 1:17

घीझ्‍येरी ॱनाना याप को़न्‍क्षोकने खोङबाला कुरती धाङ शीजे थोप्‍यी घाङला, शीजे धाङ धेन्‍पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्‍यीकी ङ्यामो घा हो़क।” सुरी सुङकेक दे थो़न्‍बालाक।