योहान्‍ना 5:19 - ॱलोवा

¹⁹ येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 5:19 Iomraidhean Croise

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 12:49

घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 12:50

खोङगी ॱनाङगीन का दे थामेपे छेसोक हीन्‍गीनगो, ङी स्‍येसुङ। होझ्‍येरी ङी घी स्‍येगीनगो यापगी ङाला सुङगीनगोराङ स्‍येदाहीन।”

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 2:19

येशुगी खुङक्‍याला सुवालाक, “क्षो़खाङ दे तोरस्‍यीक तोङ धेनी ङीमा सुमला ङा दे ॱलाङयेहीन।”

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

योहान्‍ना 9:4

ङाला ॱङाक्‍कीनगी क्षाक्‍ले दे, ङीङमो हो़ती घाङलाराङ झ्‍यीघो़। छेन स्‍यारकीन धी़ला सी़या लेगा झ्‍यी ॱमीथुप।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ कोरीन्‍थुपा 15:12

धा मास्‍यीका छीवाने कुसो़न्‍पो श्‍याङवालाक ॱनेरी सेटाक झ्‍येहो़ना, खेक्‍याने रीङगागी छीवाने सो़न्‍पो मेलाङालाक ॱनेरी, घाङगी झ्‍येरी ॱनाथुक्‍वाले?

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

१ थेसालोनीकेपा 4:14

घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।