योहान्‍ना 5:15 - ॱलोवा

¹⁵ धेनी होदे मीगो सोरी, खोराङला ढाक्‍सो ॱनाङगीनगो येशु लाक ॱनेरी, याहुदापा पो़न्‍पोक्‍याला स्‍येपालाक।

योहान्‍ना 5:15 Iomraidhean Croise

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

योहान्‍ना 1:19

येरुसालेमने याहुदापा पो़न्‍पोक्‍याई क्षो़पो़नक्‍या धाङ लेवीक्‍याला “ख्‍यो़ सु हीनो?” ॱनेरी योहान्‍नाला ढीरु झाङी घाङला, खी़ धेन्‍पाङगो दे लाक।

योहान्‍ना 4:29

“ङी झ्‍येजा घीरी ङाला सुङगीन मी देला तारु स्‍योक। मास्‍यीकागो खोङबाराङ मेन्‍डी़?”

योहान्‍ना 5:10

होझ्‍येरी याहुदापा पो़न्‍पोक्‍याई होदे मीला ॱनेवालाक, “धीरीङ ङासुगीन ङीमा झ्‍येरी, ख्‍यो़ खेरी ङ्याठी खुरकीनगो ठीमला ॱमीथी़न्‍दालाक।”

योहान्‍ना 5:12

खुङक्‍याई खोला ढीवालाक, “ख्‍यो़ला ‘ख्‍यो़री ङ्याजे खुरती ग्‍युक’ ॱनागीन मीगो सुले?”

योहान्‍ना 5:16

होझ्‍येरी येशुगी ङासुगीन ङीमाला देरे जेदी, याहुदापा पो़न्‍पोक्‍याई खोङबाला दुक्‍पु ताङयेला गो चुक्‍पालाक।

योहान्‍ना 5:18

येशुगी ङासुगीन ङीमा पाङये च्‍यीगा मेन्‍दा राङला को़न्‍क्षोकगी ढाडा जेदी, को़न्‍क्षोक नी राङगी याप लाक ॱनेरी सुङगीन झ्‍येरी, याहुदापा पो़न्‍पोक्‍याई येशुला देले ल्‍हाक सेयेगी थापस्‍यी चावालाक।

योहान्‍ना 9:15

होझ्‍येरी फारुसीपाक्‍याई खोला याङदा घाङगी झ्‍येरी खी़ ॱमीक थोवाले ॱनेरी ढीवालाक। धेनी खी़ ॱनेवालाक, “खोङगी ङी ॱमीकला दाम्‍बाक की़ जेजुङ धेनी ङी ठी़री ॱमीक थोजुङ।”

योहान्‍ना 9:25

धेनी खी़ ॱनेवालाक, “खो धीक्‍चेन च्‍यीक हीन-मेन ङाला स्‍येयेमेक। ङी स्‍येये हो़गीनगो ङा एम्‍मा श्‍यारा हो़क धेनी धान्‍दा ङी थोङी।”

योहान्‍ना 9:30

धेनी होदे मीगी़ ॱनेवालाक, “खेन्‍छाला, खो घाने फेप्‍कीनगो खेक्‍याला स्‍येये मीदुक हीना खी़ ङी ॱमीक पेवालाक।

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।