योहान्‍ना 4:48 - ॱलोवा

⁴⁸ येशुगी खोला सुवालाक, “खेक्‍या ताक धाङ याम्‍क्षेनगी क्षाक्‍लेक्‍या ॱमाथोङगीन थुक्‍पे धेपा मीझ्‍यीदालाक।”

योहान्‍ना 4:48 Iomraidhean Croise

मेथा 16:1

फारुसीपाक्‍या धाङ सादुकीपाक्‍या होरी, येशुला छो़ता झ्‍यीयेला, नाम्‍खे श्‍यीङखामने खुङक्‍याला ताक च्‍यीक तो़न्‍रोजे ॱनेरी श्‍यी़वालाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 27:42

“खो नी श्‍येम्‍माला क्‍योप थुक्‍ती, राङला क्‍योप ॱमीथुक्‍वालाक। खो नी ईस्‍राएल्‍पाक्‍याई ग्‍यावु लाक ॱनागीनगो माले? खो धान्‍दा ग्‍याङस्‍यीङने माला भाप्‍ती हुङास्‍योक धेनी होराङक्‍या धेपा झ्‍यीदु।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

लुका 10:18

येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।

लुका 16:31

आब्‍राहामगी खोला सुवालाक, ‘मोशे धाङ ॱङो़नस्‍येखेनक्‍याई सुङला, खुङक्‍याई मेङेन्‍ना स्‍यीम्‍बुक्‍याने च्‍यीक सो़न्‍दी डोनाः, खुङक्‍याई यीच्‍चे मीझ्‍यीगीलाक।’”

योहान्‍ना 12:37

खोङबागी मीक्‍याई दोङदु ताक माङा तो़न्‍दा जेदीयाः, देक्‍याई खोङबाला धेपा माझ्‍येवालाक।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 2:18

याहुदापा पो़न्‍पोक्‍याई खोङबाला श्‍यी़वालाक, “खेराङला देक्‍या जेगीन वाङ हो़ना, हेक्‍याला तो़न्‍ये ताकगो घी हेतो?”

योहान्‍ना 20:29

येशुगी खोला सुवालाक, “ख्‍यी़ ङाला थोथा झ्‍येरी, ङाला धेपा झ्‍यीदाले? ङाला ॱमाथोवाला, ङाला धेपा झ्‍यीगीनक्‍या झ्‍यीलाप क्षेली।”

योहान्‍ना 4:49

धेनी पो़न्‍रीकगी श्‍यी़वालाक, “चोवो, ङी भु ॱमास्‍यी एन्‍ला फेया जे।”

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 15:12

होदे घाङला मी घीरी खाबा धेपालाक। पाउलु धाङ बारनाबागी याहुदापा मेन्‍गीन मीक्‍याई खोक्‍दु, को़न्‍क्षोकगी खुङक्‍याई थोक्‍ने जेजा ॱहाङसागीन ताकक्‍या धाङ लेगाक्‍याई कोरला स्‍येली घाङला, घीरीगी घामोमा श्‍यीप्‍ता झ्‍येरी ङेन्‍दी धेपालाक।

जेपा 2:19

ॱनामदु ङा ॱहाङसागीन लेगाक्‍या तो़न्‍येहीन, धेनी होकगी जाम्‍बुलीङदु ताकक्‍या तो़न्‍येहीन, होदुरु ठाक धाङ मे धाङ धीबागी ॱरीङबा थोङगीलाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 2:43

कुछापक्‍याई ॱहाङसागीन लेगाक्‍या झ्‍येरी, ॱमीच्‍यीकी माङा ताकक्‍या तो़न्‍दालाक। देरे झ्‍युङी घाङला मी घीरीगी खाला को़न्‍क्षोकगी जीक्‍नाङ केवालाक।

जेपा 4:30

खेराङगी धाम्‍पे श्‍याप्‍ची येशुगी छेनने नेपाक्‍या चो़गा झ्‍यीये धेनी ॱहाङसागीन लेगाक्‍या झ्‍येरी ताकक्‍या तो़न्‍येला स्‍युक ॱनाङरोनाङ।”

जेपा 5:12

धा मीक्‍याई खोक्‍दु ॱमीच्‍यीकी ॱहाङसागीन लेगाक्‍या धाङ ताकक्‍या, कुछापक्‍याने झ्‍युङी हो़तालाक। धेनी धेपा-झ्‍यीगीन घीरी सोलोमोनगी ॱयाक्‍कुरु जोमालाक।

जेपा 6:8

को़न्‍क्षोकगी सेतेफेनला मीक्‍याई घुङदु यामसागीन लेगा झ्‍यीये धाङ ताकक्‍या तो़न्‍येला, थुक्‍जे धाङ नी़थु ॱनाङवालाक।

जेपा 7:36

धेनी मोशेगी ईस्‍राएल्‍पा मीक्‍याला एजेपने ठीक्‍ती, ग्‍याछो माउ धाङ रीतोङने झ्‍युरी लो श्‍यीपच्‍यु थुक्‍पे ॱहाङसागीन लेगा धाङ ताकक्‍या तो़न्‍दी होवालाक।

१ कोरीन्‍थुपा 1:22

याहुदापाक्‍या ताक श्‍यी़लालाक धेनी गीरीकक्‍या स्‍येराप चालालाक।

२ कोरीन्‍थुपा 12:12

खेक्‍याई घुङदु कुछाप ॱङोन्‍नेगी ताकक्‍या, ङी शो़पा क्षे झ्‍येरी ताकक्‍या धाङ ॱहाङसागीनक्‍या धाङ नी़थुक्‍याई लेगाक्‍याई थोक्‍ने, तो़न्‍बालाक।

२ थेसालोनीकेपा 2:9

ठीमने डागीन मी दे धी़कगी वाङने होरी, शोक्‍पो ताकक्‍या धाङ ॱहाङसागीन लेगाक्‍या

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।