योहान्‍ना 4:46 - ॱलोवा

⁴⁶ होझ्‍येरी खोङबागी क्षुने घुन्‍क्षाङ जेजा गालीलगी कानारु याङ फेप्‍पालाक। धेनी काफारनाहुमदु पो़न्‍रीक च्‍यीक हो़तालाक धेनी खी़ भीजा नेपा हो़तालाक।

योहान्‍ना 4:46 Iomraidhean Croise

मेथा 15:22

होदे साजागी कानानीपा केमी च्‍यीक खोङबागी डुङदु होरी, केक क्षे ग्‍याप्‍ती श्‍यी़वालाक, “के चोवो ला, दावीदगी से, ङाला ॱङीङजे जेरोनाङ। ङी भोमो डेगी शीम्‍दी ॱमीच्‍यीकी दुक्‍वा झ्‍युरी धेदुक।”

मेथा 4:13

नाजारेत भोरती, खोङबा जेबुलुन धाङ नाप्‍थालीगी युगी छो डामदु हो़गीन, काफारनाहुमदु फेप्‍ती श्‍युक्‍पालाक।

मेथा 9:18

खोङबागी खुङक्‍याला होदे लाबक्‍या सुङी घाङला, याहुदापे पो़न्‍पो च्‍यीक होरी, खोङगी दोङदु पी़मु चुक्‍ती श्‍यी़वालाक, “ङी भोमो धान्‍दाका स्‍यीजुङ हीना खेराङ फेप्‍ती, खेराङगी क्षाक मी़ खाला श्‍याजे धेनी मो सो़न्‍गीलाक।”

लुका 4:23

धेनी येशुगी सुवालाक, “धा ॱङोन्‍नेराङ, खेक्‍यागी ङाला पे दे ॱनागुलाक, ‘आम्‍ची, ख्‍यो़ राङला चो़गा झ्‍यी।’ धेनी याङ ॱनागीलाक, ‘काफारनाहुमदु ख्‍यी़ घी झ्‍यीगीनगो, हीकी घोरकीन च्‍योक्‍रे, राङगी यु दुरुवा झ्‍यी’।”

लुका 7:2

होदुरु ग्‍यापो़न च्‍यीकला ॱयोक्‍पो ढीन्‍चेन च्‍यीक हो़तालाक। धेनी खो नेपा झ्‍युरी, स्‍यीगु झ्‍यीदी हो़तालाक।

लुका 8:42

घीझ्‍येरी ॱनाना खी़ लो च्‍युङङी ॱलेप्‍ला, भोमो च्‍यीगारागो स्‍यीगु झ्‍यीदी हो़तालाक। येशु फेई घाङला मीछोकगी खोङबाला छाङगा ग्‍याप्‍पालाक।

योहान्‍ना 2:12

होदे स्‍याम्‍ने, खोङबा राङगी युम धाङ नोक्‍या धाङ ङेनेक्‍यामुला काफारनाहुमदु फेप्‍पालाक। धेनी होदुरु श्‍याक्‍मो तीते श्‍युक्‍वा जेपालाक।

योहान्‍ना 21:2

सीमोन पेटो धाङ दीदुमोस ॱनागीन, थोमा धाङ गालील युगी कानानीपा नाथानेल धाङ जेबेदीगी भीजा ॱङी धेनी खोङबागी ङेने श्‍येम्‍मा ॱङी झ्‍येरी, खुङ घीरीमुला हो़तालाक।