योहान्‍ना 4:38 - ॱलोवा

³⁸ खेक्‍याई काल्‍ले माग्‍याप्‍कीन श्‍यीङने तो़न धुरु, ङी खेक्‍याला जावी। श्‍येम्‍माक्‍याई काल्‍ले ग्‍याप हो़तालाक धेनी खुङक्‍याई ढेबुगो खेक्‍याला थोप्‍पालाक।”

योहान्‍ना 4:38 Iomraidhean Croise

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

योहान्‍ना 1:7

खोङगी थोक्‍ने मी घीरीगी धेपा झ्‍यीयास्‍योक ॱनेरी, खोङ होदे हो़गी धेन्‍पाङ झ्‍यीयेला पाङपो झ्‍युरी होवालाक।

योहान्‍ना 17:18

खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 4:37

घीझ्‍येरी ॱनाना ‘च्‍यीकगी ताप, च्‍यीकगी ॱङा’ ॱनागीन पे दे धेन्‍पा दुक।

योहान्‍ना 4:39

“ङी झ्‍येजा घीरी खोङबागी ङाला सुजुङ” ॱनागीन होदे केमीगी़ धेन्‍पाङगी झ्‍येरी, होदे युगी सामारीपा माङक्षेगी खोङबाला धेपा झ्‍येवालाक।

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

जेपा 4:4

हीना होदे कुछाप ॱङीउगी का ङेन्‍गीनक्‍याने, मी माङक्षेगी धेपा झ्‍येवालाक धेनी धेपा झ्‍यीगीन मीक्‍याई ढाङगा माङदु सोरी, तोङ ॱङा चो़ झ्‍युवालाक।

जेपा 5:14

धेनी चोवोला धेपा-झ्‍यीगीन केवे-भु धाङ भोमो ॱङीगारा ॱयोल्‍ले माङदु सोवालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

२ कोरीन्‍थुपा 10:15

हेक्‍या हेरी छेने दारी, श्‍येम्‍माक्‍याई काल्‍ले ग्‍याप्‍कीनगोला ङोम्‍सो मीझ्‍यीहो़क। हीना खेक्‍याई धेपागो छारती डोवाराङ, खेक्‍याई खोक्‍दु हीकी लेगागी छामगो ग्‍याक्षेरु डोवास्‍योक ॱनेरी, हीकी रेवा हो़क।