योहान्‍ना 4:34 - ॱलोवा

³⁴ येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 4:34 Iomraidhean Croise

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

मेथा 9:19

येशु या श्‍येङदी, खोरी ङेनेक्‍यामुला खी़ स्‍याबाला फेप्‍पालाक।

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

लुका 2:49

येशुगी फामाला सुवालाक, “खेक्‍या ङाला घीझ्‍येरी चालाले? ङा ङारी यापगी फोडाङदु धे घो़गीनगो, खेक्‍याला स्‍येये मेताले?”

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 19:28

होदे स्‍याम्‍ने धा घीरी डुप्‍कीनगो खेन्‍दा जेदी, खोङबागी सुङरापला ढीक्‍टागो डुप्‍येगी क्षीला “ङा खा कोमी” सुरी सुवालाक।

योहान्‍ना 19:30

धेनी येशुगी होदे घुन्‍क्षाङ क्‍युरमुगो श्‍येरी सुवालाक, “धा डुप्‍जो।” धेनी खोङबागी उ घुक्‍ती कुसोक ॱलो़ ताङा जेपालाक।

योहान्‍ना 4:32

हीना खोङबागी खुङक्‍याला सुवालाक, “खेक्‍याई स्‍येये मेगीन शामा, ङाला शायेला हो़क।”

योहान्‍ना 5:30

“ङा ङाराङगी घीया झ्‍यी ॱमीथुक्‍हो़क। ङी घी घोरी, ङा होदे च्‍योक्‍रेराङ ठीम चेदीहो़क धेनी ङी ठीम ढाङा हो़क। घीझ्‍येरी ॱनाना ङा ङाराङगी दो़पा चाला मेन्‍दा, ङाला ॱङाक्‍कीनगी थुकोङ चालीहो़क।

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 8:29

धेनी ङाला ॱङाक्‍कीनगो ङीमुला हो़क। धेनी ङी च्‍योई खोङबाला थुक्‍ङेउ लेगा झ्‍येजा झ्‍येरी, खोङगी ङा च्‍यीका लेरु ॱमाच्‍युक।”

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।