योहान्‍ना 4:23 - ॱलोवा

²³ क्षाक्‍क्षो़पा ढाङपो झ्‍येरी झ्‍यीगीनक्‍याई, यापला सेम्‍ङी धाङ धेन्‍पा ॱङीगी गोने क्षाक्‍क्षो़पा पुगीन, धी़गो स्‍यारी धेनी धी़गो धान्‍दाराङ लाक। घीझ्‍येरी ॱनाना यापगी देरे क्षाक्‍क्षो़पा पुगीनक्‍याराङ चालालाक।

योहान्‍ना 4:23 Iomraidhean Croise

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 4:21

येशुगी मोला सुवालाक, “भोमो, ङाला यीच्‍चे झ्‍यी, दे री धाङ येरुसालेम ॱङीगाराला याप को़न्‍क्षोकगी क्षाक्‍क्षो़पा ॱमीपुगीन धी़गो स्‍यारी।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

योहान्‍ना 5:28

देला ॱहाङसा माझ्‍यी घीझ्‍येरी ॱनाना धी़ च्‍यीक स्‍यारकीलाक, होदे घाङला धी़ठोला हो़गीनक्‍याई खोङबागी सुङकेक घोरकीलाक

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 8:26

देरेराङ झ्‍येरी धाम्‍पे थुक्‍ङीगी होराङ क्‍योवा घाङला, रोक्‍राम जेदालाक। होराङक्‍याई ॱमो़लाम घाङगी झ्‍येरी श्‍यु घोयेगो, होराङ ॱमेस्‍येलालाक हीना धाम्‍पे थुक्‍ङी राङगी छीकला ॱना ॱमीथुक्‍कीन, उला होरी क्षीदु श्‍योवा पुला जेदालाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।