योहान्‍ना 4:21 - ॱलोवा

²¹ येशुगी मोला सुवालाक, “भोमो, ङाला यीच्‍चे झ्‍यी, दे री धाङ येरुसालेम ॱङीगाराला याप को़न्‍क्षोकगी क्षाक्‍क्षो़पा ॱमीपुगीन धी़गो स्‍यारी।

योहान्‍ना 4:21 Iomraidhean Croise

मेथा 18:20

घीझ्‍येरी ॱनाना ङी मीङगी थोक्‍ने, मी ॱङी याङना सुम घारु जोमी, होदुरु ङा खुङक्‍यामुला हुङाहीन।”

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

लुका 21:24

खुङक्‍या राल्‍डीगी सेगीलाक धेनी चो़न्‍पा शो़री मीरीक घीरीगी नाङने ठीक्‍कीलाक। धेनी याहुदापा मेन्‍गीन मीरीकगी धी़चो़ माजोक्‍कीन थुक्‍पे, येरुसालेम दे याहुदापा मेन्‍गीन मीरीकगी काङबे होकला ॱलेदी श्‍याक्‍कीलाक।”

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 4:23

क्षाक्‍क्षो़पा ढाङपो झ्‍येरी झ्‍यीगीनक्‍याई, यापला सेम्‍ङी धाङ धेन्‍पा ॱङीगी गोने क्षाक्‍क्षो़पा पुगीन, धी़गो स्‍यारी धेनी धी़गो धान्‍दाराङ लाक। घीझ्‍येरी ॱनाना यापगी देरे क्षाक्‍क्षो़पा पुगीनक्‍याराङ चालालाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

योहान्‍ना 5:28

देला ॱहाङसा माझ्‍यी घीझ्‍येरी ॱनाना धी़ च्‍यीक स्‍यारकीलाक, होदे घाङला धी़ठोला हो़गीनक्‍याई खोङबागी सुङकेक घोरकीलाक

जेपा 6:14

घीझ्‍येरी ॱनाना खी़ हो ॱनागीन हीकी घोरजुङ, ‘नाजारेतगी येशुगी दे क्षो़खाङ मेताला ताङगीलाक धेनी मोशेगी ॱनाङना लुक्‍सो़क्‍यालाः ज्‍येगीलाक।’”

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 3:14

होझ्‍येरी ॱनाम्‍सा ॱङी नाङला हो़गीन, नाङमी रे-रेला यापने मीङ झ्‍युजा, खोङबागी डुङदु ङी पीमु साला चुक्‍ती ङा ॱमो़लाम श्‍यी़लाहीन।

१ तीमोथेउ 2:8

साज्‍या घीरीदु केवे-फोक्‍याई श्‍येताङ धाङ चो़पा ॱमालाङा, लाक्‍पा चाङमा याला क्‍याङदी ॱमो़लाम धेप्‍येला, ङा दो़दीहो़क।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

ॱङो़न्‍पा 21:22

धेनी ङी होदे ग्‍याजा नाङदु क्षो़खाङ ॱमाथोजुङ घीझ्‍येरी ॱनाना चोवो कुवाङ को़न्‍क्षोक धाङ लुक्‍टु, खोङबाक्‍याराङ होदेगी क्षो़खाङ लाक।