योहान्‍ना 4:19 - ॱलोवा

¹⁹ होदे केमीगी खोङबाला श्‍यी़वालाक, “ॱलोपो़न ला, खेराङ ॱङो़नस्‍येखेन च्‍यीक हीन्‍गीनगो ङी स्‍येजुङ।

योहान्‍ना 4:19 Iomraidhean Croise

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

लुका 24:19

खोङबागी, “घीन्‍गी कोरला?” सुरी ढीवा जेपालाक। धेनी खुङ ॱङीउगी ॱनेवालाक, “नाजारेतगी येशुगी कोरला। खोङबा को़न्‍क्षोक धाङ मी घीरीगी दोङदु छीक धाङ क्षाक्‍लेला नी़थु क्षेन्‍बो हो़गीन, ॱङो़नस्‍येखेन च्‍यीक लाक।

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

योहान्‍ना 4:18

घीझ्‍येरी ॱनाना ख्‍यो़ला ख्‍योवा ॱङा झ्‍युसालाक धेनी धान्‍दा, ख्‍यी़मुला हो़गीनगो ख्‍यी़ ख्‍योवा मालाक। ख्‍यी़ दे धेन्‍पा ॱनेजुङ।”

योहान्‍ना 4:29

“ङी झ्‍येजा घीरी ङाला सुङगीन मी देला तारु स्‍योक। मास्‍यीकागो खोङबाराङ मेन्‍डी़?”

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 7:40

खोङबागी सुङगीन दे घोरती, मीछोकगी नाङने रीङगागी ॱनेवालाक, “मी दे ॱङोन्‍नेगी ॱङो़नस्‍येखेनगो लाक।”

योहान्‍ना 9:17

होझ्‍येरी खुङक्‍याई धाब्‍ले होदे श्‍यारागोला ढीवालाक, “होदे मीगी ख्‍यी़ ॱमीक सो़री, धा ख्‍यो़ खी़ कोरला घी सामी हो़तो?” खी़ ॱनेवालाक, “खोङ ॱङो़नस्‍येखेन च्‍यीक लाक।”