योहान्‍ना 4:15 - ॱलोवा

¹⁵ धेनी केमी दी खोङबाला श्‍यी़वालाक, “चोवो, ङा ॱमेकोम्‍ये धाङ दुरु क्षु छुरु हुङ मेघोयेगी क्षीला, ङाला दे क्षु दे ॱनाङरोनाङ।”

योहान्‍ना 4:15 Iomraidhean Croise

योहान्‍ना 4:16

येशुगी मोला सुवालाक, “सोरी, ख्‍यो़री ख्‍योवाला भो़री स्‍योक।”

योहान्‍ना 6:26

येशुगी खुङक्‍याला कालेनदु सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई ताकक्‍या थोरी मालाक हीना डागीन थुक्‍पे शेरी ङाला चालालाक।

योहान्‍ना 6:34

खुङक्‍याई खोङबाला श्‍यी़वालाक, “चोवो, दे ग्‍याङगा हेक्‍याला च्‍योई ॱनाङाजे।”

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 8:5

धीक्‍पे राङश्‍यीला तेन्‍दी छोवा क्‍यागीनक्‍याई, धीक्‍पागी दो़नक्‍याला साम्‍लो ताङालाक हीना धाम्‍पे थुक्‍ङीला तेन्‍दी छोवा क्‍यागीनक्‍याई, थुक्‍ङीगी दो़नक्‍याला साम्‍लो ताङालाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

याकोब 4:3

खेक्‍याई घी श्‍यी़गीनगो ॱमेथोबालाक घीझ्‍येरी ॱनाना खेक्‍या राङगी दो़क्षाक खाङयेला, सेम्‍बा ङेन्‍पे गोने श्‍योवा पुलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।