योहान्‍ना 4:14 - ॱलोवा

¹⁴ हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 4:14 Iomraidhean Croise

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मेथा 5:6

ढाङतेनगी क्षीला तोक्‍कीन धाङ कोम्‍गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई दो़पा खाङगीलाक।

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

योहान्‍ना 11:26

धेनी ङाला ॱनेगीन धाङ धेपा झ्‍यीगीनक्‍या नामा ॱमीस्‍यीगीलाक। खेक्‍या देला यीच्‍चे हो़ते?”

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

योहान्‍ना 4:13

येशुगी मोला सुवालाक, “दे क्षुने थुङगीन घीरी धाब्‍ले कोम्‍गीलाक,

योहान्‍ना 4:36

धा श्‍यीङ ॱङागीनगोला ॱला थोप्‍ती, थामेपे छेसोकगी क्षीला तो़न्‍थोक धी़लालाक। धेनी साङा ताप्‍कीन धाङ श्‍यीङ ॱङागीन ॱङीगारा मुला ङ्यामो घालालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:58

नाम्‍खे श्‍यीङखामने भाप्‍पा ग्‍याङगा दे, खीकी धाङबी फामाक्‍याई शेरीया स्‍यीरी डुगीनगो च्‍योक्‍रे मालाक। दे ग्‍याङगा शागीनगो तेन्‍दु सो़न्‍पो ॱनेगीलाक।”

योहान्‍ना 7:37

धी़छेनगी थागी ङीमा क्षेगोला, येशु श्‍येङदी सुङकेक क्षेला सुङा जेपालाक, “खे कोम्‍गीनक्‍या ङी डुङदु होरी थुङास्‍योक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 7:16

खुङक्‍या याङ नामा तोक्‍की मालाक, धेनी याङ नामा खा कोम्‍गी मालाक। ङीमागी छाबा याङना छाबा घीन्‍गीयाः खुङक्‍या खाला फोक्‍की मालाक।

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”