योहान्‍ना 3:6 - ॱलोवा

⁶ स्‍याठाकने केक्‍यागो स्‍याठाक लाक धेनी थुक्‍ङीने केक्‍यागो सेम्‍ङी लाक।

योहान्‍ना 3:6 Iomraidhean Croise

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 3:7

ङी ख्‍यो़ला, ‘धाब्‍ले के घोवालाक’ ॱनागीन देला, ख्‍यो़ ॱहाङ ॱमासा।

रोमापा 7:18

धेनी ङी धीक्‍पे राङश्‍यीला शाङा घीयाः ॱमेनेलालाक ॱनेरी, ङाला स्‍येयेहो़क। घीझ्‍येरी ॱनाना शाङा घी हीन्‍गीनगो झ्‍यीयेला, ङी दो़पा हो़क हीना होदे ङी झ्‍यी ॱमीथुक्‍वालाक।

रोमापा 7:25

होरी चोवो येशु मास्‍यीकागी थोक्‍ने थारपा जेगीन, को़न्‍क्षोकला काटीन्‍क्षे श्‍युवाहीन। धा ङा ङाराङगी सेमने, को़न्‍क्षोकगी क्षो़ठीमला श्‍याप्‍ची श्‍यी़लालाक हीना ङी धीक्‍पे राङश्‍यीगी, धीक्‍पे वाङला श्‍याप्‍ची श्‍यी़लालाक।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

१ कोरीन्‍थुपा 6:17

हीना चोवोमुला डेगीन नी, खोङमुला थुक्‍ङीने च्‍यीक झ्‍युङालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

१ योहान्‍ना 3:9

को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।